रविराजलाई सम्मानको ओइरो : मन्त्री यादवले भने, 'रविराज उदितनारायण झैँ नाम गर्नेछ'

न्यूज ब्यूरो, जनकपुरधाम । नेपालकै सबैभन्दा ठूलो मौलिक सिंगिङ रियालिटी शो नेपाल लोकस्टारबाट सबैको मन जित्दै चर्चामा आएका प्रखर गायक रविराज साहलाई सम्मानको ओइरो लागेको छ ।

लोकस्टारको टप ५ को फाईनलबाट बाहिरिएपछि जन्मथलो मधेश झरेका रविराजलाई उनका शुभचिन्तकहरुले भव्य स्वागतसहित सम्मान गरिरहेका छन् । रविराजलाई यतिबेला सम्मान कार्यक्रममा सहभागी हुन भ्याईनभ्याई छ ।

आफ्नो गायन कलाले दर्शकको मनमस्तिष्कमा बस्न सफल भएका रविराजलाई मधेशका पूर्वी जिल्लादेखि पश्चिमसम्मका हरेक जिल्ला एवं ठाउँमा सम्मान गरिएको छ । उनलाई सम्मान गर्ने क्रम विभिन्न ठाउँमा अहिले जारी छ । आईएमई नेपाल लोकस्टारबाट एकाएक चर्चामा आएका रविराज यतिबेला शुभचिन्तक भेटघाटमै व्यस्त छन् ।

शुभचिन्तक भेटघाटको क्रममा प्रदेश २ को सप्तरी, सिरहा हुँदै सोमबार प्रदेशको अस्थायी राजधानी जनकपुरधाम पुगेका रविराजलाई त्यहाँ भव्य सम्मान गरिएको छ । जनकपुरमा रविराजलाई मधेश ग्रामिण विकास परियोजना, आलाप लगायतका संस्थाहरुले एक कार्यक्रमको आयोजना गरी भव्य सम्मान गरेको हो ।

जनकपुरको अन्नपूर्ण होटेलमा आयोजित सम्मान कार्यक्रममा रविराज प्रदेश २ सरकारका आर्थिक मामिला तथा योजनामन्त्री विजय यादव, सपाका प्रदेश सांसद एवं स्वच्छता अभियानी रामअशिष यादव, प्रसिद्ध गायक सुनिल मल्लिक, ललित कामत, चर्चित हास्य कलाकार रामनारायण ठाकुर, मिनापका अध्यक्ष प्रमेश झा लगायतका विशिष्ट व्यक्तित्वहरुको हातबाट सम्मानित भए । कार्यक्रममा वक्ताहरुले प्रदेश २ को सर्लाही घर भएका रविराज धमाकेदार प्रस्तुति दिएपनि मधेशी भएकै कारण विभेदको सिकार भएको र टप ५ बाटै बाहिरिनुपरेको बताएका छन् ।

लोकस्टारमा अन्य प्रतिस्पर्धीहरु मात्र नेपाली भाषाका गीत गाएपनि रविराज भने सबै समुदायलाई जोड्न विभिन्न भाषाका गीत गाए । बहुप्रतिभाशाली गायक रविराजसँग तैपनि समुदाय र क्षेत्रकै आधारमा विभेद भएको उनीहरु बताउँछन् ।

कार्यक्रमलाई सम्बोधन गर्दै मन्त्री यादवले मधेशीमाथिको विभेद अझ यथावत रहेको बताए । उनले रविराजसँग छनोटमा विभेद भएपनि मधेशीले भोटिङ गर्ने कुरासमेत नजानेका कारण रविराज पछि परेको भन्दै शिक्षामा जोड दिनु आवश्यक रहेको औल्याए ।

मन्त्री यादवले रविराजमा विश्वकै टप गायक बन्ने गुण रहेको बताउँदै संघर्ष निरन्तर जारी राख्न सुझाव दिए । रविराज साह मधेश, नेपालमा मात्र नभई समग्र विश्वमै नाम गर्ने विश्वास रहेको उनले बताए । उनले सम्बोधनको क्रममा गायक साहलाई प्रदेश सरकारको तर्फबाट सम्मानको लागि क्याविनेट बैठकमा प्रस्ताव राख्ने समेत बताए ।

प्रदेश २ मा संगित कक्षा संचालनको लागि गायक साहले गरेको अनुरोधमा मन्त्री यादवले आगामी बजेटमा यसलाई समायोजन गर्नेसमेत बताए । उनले प्रदेश २ को आठै जिल्लाका एकएक सामुदायिक विद्यालयमा संगित कक्षा संचालनको निम्ति आउँदो आर्थिक वर्षमा बजेट विनियोजन गर्ने प्रतिवद्धता गरे ।

यस्तै, प्रदेश सांसद एवं स्वच्छता अभियानी यादवले विश्वप्रशिद्ध गायक उदितनारायण झा जस्तै रविराजसँग पनि विभेद गरिएको बताए । अधिक सम्भावना बोकेका गायक साहलाई प्रोत्साहन गर्नुपर्नेमा नश्लको आधारमा विभेद हुनु विडम्बना भएको उनले बताए ।

सांसद यादवले प्रदेश २ मा संगित विश्वविद्यालय स्थापनाको परिकल्पना गरिएको समेत जनाए । उनले रविराजले आफूहरुलाई गौरवान्वित बनाएको बताउँदै एकदिन सफलताको शिखर चुम्ने विश्वास लिएको बताए ।

रविराज साह नेपाल लोकस्टारको टप ५ सम्म पुगेर बाहिरिएपनि आफ्नो दमदार गायन कला र नयाँ अन्दाजपनले चौतर्फी चर्चामा छन् ।

रविराज साह लोकस्टारमा रहँदा न्यूज ब्यूरोले उनको लागि समाचार मार्फत् गरेका प्रयासहरु :

नेपाल लोकस्टार : भोटको लागि रविराजको अपिल, यसरी गर्न सकिन्छ भोट !

नेपाल लोकस्टार : रविराजको लागि भोटिङ खुल्ला, तपाई छुट्टिनुभयो ?

मधेशले 'सुष्मा' को ऋण 'रविराज' लाई तिर्दै, पाए सबभन्दा बढी भोट !

नेपाल लोकस्टार : मधेशमा 'रविराज जिताउ' अभियान, टप १० का लागि भोटिङ खुल्ला

'नेपाल लोकस्टार' मा उदाउँदै मधेशका 'रविराज', भोटमा सबभन्दा अगाडी

टप ९ का लागि भोटिङ खुल्ला, मधेशले उठाउलान् त मौकाको फाईदा ?

रविराजलाई आज कम्तिमा ३ लाख भोट आवश्यक, तपाई भोट गर्नुभयो ?

खतराको मुखबाट बचे मधेशका छोरा 'रविराज', अझ भोटको आवश्यकता

नेपाल लोकस्टारमा 'रविराजसँग अन्याय' गरिँदै !

मधेशका रविराज 'एलै एक नटिनियाँ रे जान' गाएपछि फेसबुकमा भाईरल !

रविराजलाई राजपा नेता महतोको पनि साथ : 'एक नम्बरमा ल्याउनुछ'

नेपाल लोकस्टारको टप ७ मा जसोतसो जोगिए 'रविराज' !

रविराजसँग समुदायकै आधारमा हुन्छ अभद्र व्यवहार, एकले मागे माफी

लोकस्टारको जजद्धारा रविराजको मनोबल गिराउने खेल, जजलाई गालीको वर्षा

लोकस्टारको टप ६ मा सेफ भए 'रविराज', अब अग्निपरीक्षा !

नेपाल लोकस्टारको टप ५ को फाईनल आज, रविराजलाई भोट गर्नुभयो ?

लोकस्टारको गन्तव्य नजिक पुगेर किन आउट भए 'रविराज' ?

स्वरसम्राट 'रविराज साह'लाई सिरहामा भव्य सम्मान