नेपाल लोकस्टारको टप ७ मा जसोतसो जोगिए 'रविराज' !

न्यूज ब्यूरो, जनकपुरधाम । एपीवान टेलिभिजनबाट प्रशारण भइरहेको नेपाल लोकस्टारमा दामदार प्रस्तुतिका साथ प्रतिस्पर्धा गरिरहेका रविराज साह टप ७ मा ल्याण्ड गरेका छन् ।

नेपालकै सबैभन्दा ठूलो मौलिक सिंगिङ रियालिटी शो भनिएको लोकस्टारको शुक्रबार राति भएको टप ७ को फाईनलबाट उनी टप ७ मा प्रवेश पाएका हुन् । मधेशबाट प्रतिनिधित्व गरिरहेका एकमात्र मधेशी अनुहार रविराज टप ७ मा छानिएपनि भोट भने अन्य प्रतिस्पर्धीभन्दा कम देखिएको छ ।

बाहिरबाट आएको भोट अन्य प्रतिस्पर्धीभन्दा कम देखिएपनि उनी आफ्नो प्रस्तुतिको जादुले जजहरुबाट पाएको अंकको सहारामा जसोतसो टप ७ मा सेफ भएका हुन् । जुनसुकै समुदायसँग जुडेका भाषाको गीतलाई हरसम्भव न्याय दिएर प्रस्तुति दिँदै सबै समुदायलाई एकताको सुत्रमा बाँध्ने काम गरिरहेका रविराज शुक्रबार राति भएको टप ७ को फाईनलमा ‘सखिया परे सावनके झिँसी, पियासंगे खेलब पचिसी ना’ नामक गित गाए ।

सबै एपिसोडहरुमा गीत अनुसारको पहिरनमा प्रस्तुति दिँदै आएका रविराज यस गीतमा ‘धोती–कुर्ता’ लगाएर प्रस्तुति दिए । यस पौराणिक गीतमा उनले दिएको दमदार प्रस्तुतिले उनी टप ७ मा प्रवेश पाएपनि खतरा भने झनै बढेको छ । मधेशसहित समग्र देशकै सबै समुदायको संस्कृति झल्किने गरी विभिन्न भाषाको गीत गाएर भावनात्मक सम्बन्ध जोड्ने पुलको काम गरिरहेका रविराजलाई सबै क्षेत्रबाट चौतर्फी सहयोग र समर्थन भइरहेपनि भोट भने सोचेजति आउन सकेन ।

सबै समुदाय अटाउने गरी आफ्नो प्रस्तुतिमा स्थान दिँदै आएका रविराजको लागि देशका हरेक समुदायले हरेक ठाउँ क्षेत्रबाट भोटिङ अभियानसहित भोट गर्दै आएको देखिएको छ । तर, मधेशबाट प्रतिनिधित्व गरिरहेका रविराजलाई मधेशबाटै चर्चा र माहोलको तुलनामा भोट भइरहेको छैन । यसअघि राजपा नेपालका अध्यक्ष मण्डलका नेता तथा सांसद राजेन्द्र महतोले अमेरिकाबाटै रविराजलाई जसरी पनि एक नम्बरमा ल्याउनुछ भनेर भनेका थिए ।

तर, विभिन्न पार्टीहरुमा आवद्ध रहेका युवा एवं व्यक्तिहरुबाट नत त्यति भोट गएको देखिन्छ, नत उनीहरुको चाँसो नै त्यति देखिएको छ ।

एकजनाले समाजिक संजाल फेसबुकमा लेखेका छन्, ‘नेताको एक बोलीबाट ज्यान थापेर आन्दोलन गर्ने मधेशका युवाहरुमा आज रविराज यत्रो मञ्चसँग जुधिरहँदा थोरै पनि चाँसो देखिएको छैन । रविराजलाई पहाडका समुदायले सहयोग र समर्थन गरेर सद्भाव दर्शाएपनि आफ्नै घर अर्थात् मधेशबाट सोचेजति भोट भइरहेको छैन । नत मधेश र मधेशीको लागि राजनीति गर्छु भन्नेहरुबाट सहयोग भइरहेको छ । चुनावका बेला आम जनताको भोट मागेर कुर्सी चढ्नेहरु आज मधेशको एक साधारण किसानका छोरा रविराजलाई भोटिङको लागि आर्थिक, नैतिक सहयोग र सद्भाव गर्नुपर्दैन ?’

अपेक्षा गरेजति भोट हुन नसकेका कारण बढेको खतरा टाल्न अब भोट नै निर्णायक हुनेछ । बाहिरबाट आएको भोटले नै अब रविराजको अगाडिका यात्रा तय हुनेछ । रविराजले टप ७ मा प्रवेश पाएपछि न्यूज ब्यूरोसँग कुराकानी गर्दै आफ्ना तमाम शुभचिन्तकहरुप्रति एकमुष्ट आभार प्रकट गर्दै मधेशबाट अपेक्षा अनुरुप भोट नआएकोमा दुःख पनि प्रकट गरेका छन् । उनले अब पहिले झैँ नहुने भन्दै प्रभावकारी तरिकाले भोटिङ अभियान चलाउन अपिलसहित आफूलाई बढीभन्दा बढी भोट गरिदिन अनुरोध गरे ।

गन्तव्य नजिक पुगेका रविराजलाई अन्य प्रतिस्पर्धीहरुभन्दा बढी भोट प्राप्त भयो भने इतिहास रच्न सक्छन् । नेपाल लोकस्टारले प्रतिस्पर्धीहरुका लागि सोमबार मध्यान्ह १२ बजेदेखि भोटिङ खुल्ला गर्दैछ । नेपालकै सर्वाधिक पुरस्कार राशी भएको उक्त ‘रियालिटी शो’ को विजेताले ५० लाख नगद, दोस्रो हुनेले २५ लाख नगद तथा तेस्रो हुनेले १० लाख नगद पुरस्कार तथा उत्कृष्ट १२ जनाले विश्व भ्रमण प्याकेज पाउनेछन् ।

रविराजलाई भोटिङ गर्ने तरिका :

नेपालका लागि : Type L (space) 01 Send to : 37000

For landline : 166677 And enter voting code : 01

भारतका लागि : Type L (space) 01 Send to : 53010

कतारका लागि : Type L (space) 01 Send to : 92300

साथै, IME Pay App मार्फत् विश्वभरबाट गर्न सकिन्छ ।

सम्बन्धित समाचार :

'नेपाल लोकस्टार' मा उदाउँदै मधेशका 'रविराज', भोटमा सबभन्दा अगाडी

नेपाल लोकस्टार : मधेशमा 'रविराज जिताउ' अभियान, टप १० का लागि भोटिङ खुल्ला

मधेशले 'सुष्मा' को ऋण 'रविराज' लाई तिर्दै, पाए सबभन्दा बढी भोट !

नेपाल लोकस्टार : रविराजको लागि भोटिङ खुल्ला, तपाई छुट्टिनुभयो ?

नेपाल लोकस्टार : भोटको लागि रविराजको अपिल, यसरी गर्न सकिन्छ भोट !

टप ९ का लागि भोटिङ खुल्ला, मधेशले उठाउलान् त मौकाको फाईदा ?

रविराजलाई आज कम्तिमा ३ लाख भोट आवश्यक, तपाई भोट गर्नुभयो ?

खतराको मुखबाट बचे मधेशका छोरा 'रविराज', अझ भोटको आवश्यकता

मधेशका रविराज 'एलै एक नटिनियाँ रे जान' गाएपछि फेसबुकमा भाईरल !

रविराजलाई राजपा नेता महतोको पनि साथ : 'एक नम्बरमा ल्याउनुछ'