• २०७६ भदौ ३० गते, सोमबार

'नेपाल लोकस्टार' मा उदाउँदै मधेशका 'रविराज', भोटमा सबभन्दा अगाडी 

मधेशको मानको सवाल भएको भन्दै रविराजलाई नेपाल लोकस्टारको विजेता बनाउन मधेशी समुदायका युवाहरु कम्मर कसेर लागेको देखिएको छ ।

न्यूज ब्यूरो, जनकपुरधाम । नेपालको सबभन्दा ठूलो सिंगिङ रियालिटी शो ‘नेपाल लोकस्टार’मा मधेशबाट प्रतिनिधित्व गरिरहेका एकमात्र मधेशी अनुहार रविराज साहले भोटिङतर्फ अग्रता कायमै राखेका छन् ।

 

लोकस्टारमा प्रतिस्पर्धा गरिरहेका प्रतिस्पर्धीहरुको लागि हालसम्म भएको भोटिङमा रविराज एक नम्बरमा कायम छन् । ‘पट ११’ प्रवेशका लागि भएको भोटिङमा पनि सबैभन्दा अत्याधिक भोट पाएका उनी ‘टप १०’ प्रवेशमा समेत सबैभन्दा बढी भोट बटुलेका हुन् ।

 

सम्बन्धित समाचार : नेपाल लोकस्टार : भोटको लागि रविराजको अपिल, यसरी गर्न सकिन्छ भोट !

 

नेपाल लोकस्टारको सुरुवाती चरणदेखि नै आफ्नो दमदार प्रस्तुतिका कारण सबैको मन जितिरहेका रविराज शुक्रबार राती भएको टप १० को सेफ जोनमा निकै अत्याधिक भोटका साथ अवतरण गरेका छन् । कम भोटका कारण एकजनाको यात्रा यत्तैबाट टुंगिएको छ । 

 

टप ११ बाट टप १० मा छनोट भएर आएका १० जना प्रतियोगी मध्ये रविराज सबैभन्दा अत्याधिक भोटका साथ अग्र स्थानमा रहेको नेपाल लोकस्टारका प्रोड्युसर सहदेव कोईरालाले न्यूज ब्यूरोसँग भने । रविराजले जम्मा कति भोट पाए भन्ने न्यूज ब्यूरोको प्रश्नमा उनले भोटको संख्या खुलाउने नियम नभएका कारण भोट संख्याबारे खुलाएनन् ।

 

सम्बन्धित समाचार : मधेशले 'सुष्मा' को ऋण 'रविराज' लाई  तिर्दै, पाए सबभन्दा बढी भोट !

 

यद्यपि अहिलेसम्म उनको यात्रा सुखद रहेको र अगाडिका यात्रा पनि सुखद कायम रहने विश्वास लिएको उनले बताए । उनले भने, ‘रविराजजी आफ्नो दमदार प्रस्तुतिका साथ अहिले सबैभन्दा अग्र स्थानमा हुनुहुन्छ । उहाँको प्रस्तुतिको जादु भनौं, मधेशबाट मात्रै नभएर समग्र नेपालबाटै साथ र समर्थन पाइरहनु भएको छ । यो राम्रो संकेत हो ।’ अगाडि भने, यस्तै रहने हो भने रविराजजी गन्तव्यसम्म पुग्न अवश्य नै सफल हुनुहुनेछ । आशा गरौं, अगाडि पनि सबै राम्रो नै रहनेछ ।’

 

राविराजको सुरिलो आवाज र दमदार प्रस्तुतिका कारण जजहरुले समेत उनको खुलेरै प्रशंसा गर्दै आएका छन् । उनी दावेदारी बलियो बनाउँदै गएपनि उनको अगाडिका यात्राका लागि मूख्यतः भोट नै निर्णायक हुनेछ । अगाडिका राउण्ड प्रवेशका निम्ति जजको मात्र २० प्रतिशत माक आवश्यक हुन्छ भने ८० प्रतिशत बाहिरकै भोट चाहिन्छ ।

 

सम्बन्धित समाचार : नेपाल लोकस्टार : रविराजको लागि भोटिङ खुल्ला, तपाई छुट्टिनुभयो ?

 

एपीवान टेलिभिजनबाट प्रशारण भइरहको नेपाल लोकस्टारको बलिया दावेदार मानिएका रविराजलाई फाईनल राउण्डसम्म पुर्याउन धेरैभन्दा धेरै भोटको आवश्यकता छ । रविराजलाई जिताउन मधेशी युवाहरुले विभिन्न ठाउँ तथा समाजिक संजालमा ‘रविराज जिताउ’ अभियान जारी राखेका छन् । 

 

विभिन्न माध्यमले भोटको लागि सहयोग गर्नेहरुप्रति नतमस्तक हुँदै रविराजले पहिलेभन्दा अब बढी भोटको आवश्यकता रहेकाले भोटको लागि सशक्त र प्रभावकारी अभियान चलाउन आग्रह गरेका छन् । गन्तव्य नजिक पुगेका उनी अगाडिका राउण्डमा पनि भोटिङ तर्फ अग्र स्थानमै रहयो भने इतिहास रच्न सक्छन् ।

 

टप १० मा छनोट भएर आएका प्रतियोगीहरुका लागि लोकस्टार आयोजकले सोमबार मध्यान्ह १२ बजेदेखि आधिकारिक भोटिङ खुल्ला गर्दैछ । भोटिङको अन्तिम समय शुक्रबार दिउँसो १२ बजेसम्म हुनेछ । रविराजलाई मोबाईलबाट सिम कार्ड तथा आईएमई एप मार्फत् भोट गर्न सकिनेछ । लोकस्टारमा अत्याधिक मत पाउनेले अगाडिका राउण्ड सिधैं प्रवेश पाउनेछ । 

 

सम्बन्धित समाचार :   नेपाल लोकस्टार : मधेशमा 'रविराज जिताउ' अभियान, टप १० का लागि भोटिङ खुल्ला

 

आउँदो शुक्रबार ८ः४५ बजे टप ९ को फाईनल प्रशारण हुनेछ । यतिबेला टप १० मा रहेका १० जना प्रतियोगी मध्ये हरेक एपिसोडको फाईनलबाट एक–एकजना गरी नेपाल लोकस्टारको फाईनल राउण्डसम्म ५ जना बाहिरिनेछन् । ‘टप ५’ मा सेफ हुने ५ जना प्रतियोगी क्रमशः विजेता घोषित हुनेछ ।

 

मधेशको मानको सवाल भएको भन्दै रविराजलाई नेपाल लोकस्टारको विजेता बनाउन मधेशी समुदायका युवाहरु कम्मर कसेर लागेको देखिएको छ । संगित क्षेत्रमा मधेशका उदयमान रविराजलाई गन्तव्यसम्म पुर्याउन सबैको साथ र सहयोगको खाँचो देखिएको छ ।

 

रविराजलाई भोटिङ गर्ने तरिका :
नेपालका लागि : Type L (space) 01 Send to : 37000

For landline : 166677 And enter voting code : 01

भारतका लागि : Type L (space) 01 Send to : 53010

कतारका लागि : Type L (space) 01 Send to : 92300

साथै, IME Pay App मार्फत् विश्वभरबाट गर्न सकिन्छ ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...