४ घण्टासम्म बाढीमै फँसेका ६ जनालाई डिजास्टर टोलीले गरे उद्धार

न्यूज ब्यूरो, रौतहट । रौतहटको लालबकैया नदिमा आएको बाढिमा फसि ज्यान जोगाउन सिसौको रुखमा चढेका ६ जनाको शस्त्र प्रहरीको टोलिले शकुशल उद्दार गरेको छ।

रौतहटको कटहरिया गमहरिया घाट लालबकैया नदीमा एक्कासी आएको बाढीमा फँसेपछि एकजना वृद्धसहित २ जनाले ४ घन्टा रुखमा बसेर गुहार मागेका थिए।

घरबाट कटहरिया बजारतर्फ जानेक्रममा लालबकेया नदीमा एक्कासी आएको बाढीले घेरेपछी फतुवा बिजयपुर नपा–१ गमहरियाका ६४ वर्षीय सर्वजित महरासहित २ जनाले ४ घन्टा रुखमा चढेर ज्यान जोगाउन गुहार गरेका थिए।

नदीको पश्चिमतर्फ पुग्दा अगाडि पछाडिबाट पानीको ठूलो भेलले उनीहरु घेरिएका थिए । दुवै जना ४ घन्टा सिसौको रुखमा बसेर ज्यान जोगाएको स्थानीय प्रत्यक्षदर्शी बिधानन्द यादवले बताए ।

मङ्गलबार साँझ पानीको बहाव घटेपछि ईलाका प्रहरी कार्यालय बिजयपुरका प्रमुख ईन्स्पेक्टर चन्द्रकिशोर साहको कमान्ड गएको सशस्त्र प्रहरीसहितको टोलीले सर्वजीतसहित अन्य ६ जनालाई सुरक्षीत उद्वार गरेका हुन।