नेपाली सेनाको गाडीमा मोटरसाईकल ठोक्किएर एक ठहरै !

न्यूज ब्यूरो, सिरहा । सिरहाको मिर्चैयामा नेपाली सेनाको गाडीमा मोटरसाईकल ठोक्किएर एकजनाको घटनास्थलमै ज्यान गएको छ ।

पूर्वपश्चिम राजमार्ग अन्तर्गत मिर्चैया नगरपालिका २ स्थित मलहनिया चोकमा रोकिराखेको श्री नयाँ गोरखनाथ गण चोहर्वाको गाडीमा गुडिरहेको मोटरसाईकल ठोक्किएको हो । दुर्घटनामा परेर मोटरसाईकलमा सवार एकजना घटनास्थलमै मृत्यू भएको छ ।

मृत्यू हुनेमा मिर्चैया नगरपालकिा ५ बस्ने चालक सागरकुमार जयसवालले रहेको मिर्चैया प्रहरीले जनाएको छ । उनले चलाएको स.६ प. ८०१३ नम्बरको मोटरसाईकल बिग्रेर रोकिराखेको नेपाली सेनाको बा.१ ग. २४६२ नम्बरको गाडीमा पछाडिबाट ठोक्किएको हो ।

बिग्रेको गाडी बिना ईन्डिकेटर नै राजमार्गमा राखिएको कारण दुर्घटना निम्त्याएको स्थानीयहरु सुनाउँछन् ।

मृतकको शव पोष्टमार्टमका लागि लहान पठाइएको छ ।