जनकपुरः बालकलाई अप्राकृतिक मैथुन (करणी) गरी हत्या !

न्यूज ब्यूरो, जनकपुरधाम । धनुषामा हराएको २४ घण्टापछि मृत अवस्थामा फेला परेका बालकको अप्राकृतिक मैथुन गरी हत्या गरेको खुलेको छ ।

धनुषाको धनुषाधाम नगरपालिका वडा नं. ७ किसानपुर टोल बस्ने रामेश्वर सदाको अन्दाजी बर्ष ५ का छोरा रुपेश सदालाई अप्राकृति मैथुन (मलद्धारमा करणी) गरेको पाइएको भन्दै एक जनालाई पक्राउ गरेको छ ।

गत असोज १५ गते हराएका बालक शुक्रबार असोज १६ गते किसानपुरको कृषि ईटा उद्योगको खाल्डोमा मृत फेला परेका रुपेशलाई पोष्टमार्टमपछि उनलाई मलद्धारमा करणी गरी हत्या गरेको अनुसन्धानबाट खुलेको जिल्ला प्रहरी कार्यालय धनुषाले जनाएको छ ।

कृषी ईट्टा उद्योगको परिसर भित्र रहेको वर्षातको पानी जमेको खाल्डोको डिलमा पात पतिङगरले छोपिएको अवस्थामा रुपेश मृत अवस्थामा भेटाएको थियो । उनको दिदी नाता पर्ने २ जनाले देखेपछि लाश उठाई घरमा लगेको थियो ।

धनुषाः हराईरहेका बालक २४ घण्टापछि आज मृत फेला

घटनाको जानकारी पाएलगत्तै घटनास्थल पुगेको ईलाका प्रहरी कार्यालय धनुषाधामको टोली र जिल्ला प्रहरी कार्यालय धनुषाको टोलीले लासको मुचुल्का उठाएर प्रारम्भिक अनुसन्धान प्रक्रिया सुरु गरेको थियो । बालकको लासलाई पोष्टमार्टको लागि प्रादेशिक अस्पताल जनकपुरमा पठाइएको थियो ।

उक्त घटनामा संलग्न रहेको आरोपमा धनुषाको सबैला नगरपालिका वडा नं. ९ भठिहन बस्ने वर्ष २२ को राम बहादुर सदालाई पक्राउ गरिएको छ । सो घटना सम्बन्धमा सोध पुछ गर्दा उनले आफ्नो सालो नाता पर्ने मृतक रुपेश सदालाई विस्कुट, चकलेटको प्रलोभन देखाई संगै साथमा माछा मार्न गएको अवस्थामा बालकलाई अप्राकृतिक मैथुन (मलद्धारमा) करणी गरेको खुलेको छ ।

करणी गरि रहेको अवस्थामा रुपेश वेहोस भए पछी आरोपित राम बहादुर सदाले मृतकले लगाएको कन्दनी (डारा) ले घाँटी कसी मारेको स्वीकार गरेका छन् । उनलाई नियन्त्रणमा लिएर थप अनुसन्धान प्रक्रिया अगाडी बढाएको जिल्ला प्रहरी कार्यालय धनुषाले जनाएको छ ।