धनुषाः हराईरहेका बालक २४ घण्टापछि आज मृत फेला

न्यूज ब्यूरो, जनकपुरधाम । धनुषामा हिजो (विहिबार) देखि नै हराइरहेका बालक आज मृत अवस्थामा फेला परेको छ ।

धनुषाको धनुषाधाम नगरपालिका वडा नं. ७ किसानपुर टोल बस्ने रामेश्वर सदाका अन्दाजी ५ बर्षिय छोरा रुपेश सदा आज मृत अवस्थामा फेला परेका हुन् । ईलाका प्रहरी कार्यालय धनुषाधामका अनुसार, विहिबार विहान करिब १० बजेदेखि नै रुपेश हराएका थिए ।

झण्डै २४ घण्टापछि उनको शव भेटाएको प्रहरीले जनाएको छ । बालकको शव आज बिहान १० बजे उनको घरदेखि करिब ५ सय मिटर उत्तर तर्फ फेला परेको ईलाका प्रहरी कार्यालय धनुषाधामका प्रहरी निरिक्षक सुरेश ठाकुरले जानकारी दिए ।

मृतक बालकको शव पोष्टमार्टमका लागि प्रादेशिक अस्पताल जनकपुरधाम ल्याइएको र घटना सम्बन्धमा थप अनुसन्धान भईरहेको प्रहरीले जनाएको छ ।