जानकी मन्दिरको अतिक्रमित जग्गा फिर्ता, पुरानै ठाउँमा पर्खाल लाग्ने

न्यूज ब्यूरो, जनकपुरधाम । महिनौदेखि विवादित रहेको जानकी मन्दिरको अतिक्रमित जग्गा अन्तत आज फिर्ता गराईएको छ ।

धनुषाका प्रमुख जिल्ला अधिकारी सहित स्थानीय जनप्रतिनीधिको छलफलटबाट जानकी मन्दिरको अगाडीमा रहेको जानकी फूलबारीको कैयौं फिट जग्गा अतिक्रमण भएको थियो ।

अघिल्लो प्रतिवेदन अनुसार पूर्वबाट ५ फिट, दक्षिण पूर्व कुनाबाट १० फिट र उत्तर पूर्वपट्टिबाट १६ फिट मन्दिरको जग्गा अतिक्रण गरी सडक बनाइएको थियो । सो क्रममा केही जनप्रतिनीधिहरुकै मिलोमत्तोमा स्थानीय केही नीजि घरहरु बचाइएको थियो । सडक विस्तारको क्रममा नीजि घरलाई जोगाएर मन्दिरको जग्गा अतिक्रण गरी सडक बनाइएको थियो ।

आईतबार धनुषाका प्रमुख जिल्ला अधिकारी प्रेमराज भट्टराई तथा नागरिक समाजका अगुवाहरुको सँयुक्त उपस्थितिमा स्थानीय जनप्रतिनीधिको रोहबरमा मन्दिरको जग्गामा अतिक्रमित गरी लगाइएको पर्खाल भत्काइएको छ । जस अनुसार, अब पर्खाल पुरानै स्थानमा लगाइने छ ।

जानकी मन्दिरको २६ फिट जग्गा अतिक्रमण भएको ठहर !

पुरानो स्थानमा पर्खाल लगाउने भएपछि फूलबारीको दक्षिण पूर्व कुना तर्फ १० फिट सडकसम्म पर्खाल लाग्नेछ भने उत्तरपट्टि १६ फिटसम्म अहिलको सडकमा पर्खाल लाग्नेछ । यस्तै पूर्व तर्फ भने ५ फिट सडक तर्फ सारेर पर्खाल लगाउने भएको छ ।

जानकी मन्दिरको पर्खाल भत्काएर केही नीजि घरहरुलाई मोटो रकमको चलखेल गरी नभत्काउँदै फुलबारी तर्फ सडक सारेको आरोप युवाहरुले लगाउँदै आएका थिए । नापी कार्यालय धनुषाको नाप नक्सा र निष्कर्ण अनुसार २६ फिट जग्गा अतिक्रमणमा परेको देखाएको थियो ।

जानकी फूलबारीको जग्गा अतिक्रण भएको भन्दै युवा अगुवा सरोज मिश्र, नागरिक समाजका अगुवा मुरली मनोहर मिश्र लगायतका अगुवाहरुले निरन्तर विभिन्न निकायसँग छलफल र प्रयास जारी राखेका थिए । सोही क्रममा युवा अगुवा ललित यादवको पहलमा स्थानीय अधिकारीसँगको समन्वयमा सो अतिक्रमित जग्गा खाली गराइएको हो ।