मिर्चैयामा प्रहरीले सर्वसाधारणलाई माक्स लगाउँदै

न्यूज ब्यूरो, सिरहा । कोरोना समुदाय स्तरमा पुगेपनि सर्वसाधारणहरु अझै सचेत नभएपछि प्रहरी अर्को उपाय अपनाएको छ ।

सिरहाको मिर्चैयामा प्रहरीले मास्क नभएका सर्वसाधारणहरुलाई मास्क लगाउने कार्य सुरु गरेको छ । नगरपालिका, रामनगर मिर्चैया उधोग वाणिज्य संघ तथा ईलाका प्रहरी कार्यालय मिर्चैयाको सह कार्यमा सर्वसाधारणलाई माक्स लगाउने गरेको छ ।

ईलाका प्रहरी कार्यालय मिर्चैयाको आयोजना कार्यक्रममा भाईरसबाट बच्ने उपायहरुबारे सर्वसाधारणलाई जानकारी गराउदै माक्स वितरण गरिएको ईलाका प्रहरी कार्यालय मिर्चैयाका प्रहरी नायब उपरीक्षक (डिएसपी) सन्तुलाल प्रसाद जैसवारले बताए ।

पछिल्लो समय जिल्लामा संक्रमितको संख्या बढ्दै गईरहेको र लकडाउन पनि हटिसकेको अवस्थामा हुने लापरबाहीका कारण संक्रमण वृद्धि हुने भएकोले जिल्ला प्रहरी कार्यालय सिरहाको मातहत रहेको प्रहरी कार्यालयहरु द्धारा चौक(चौकमा सर्वसाधारणलाई सचेत गराईरहेको छ ।