सिरहामा फोटो खिच्ने पत्रकार सेनाद्धारा कुटिए

न्यूज ब्यूरो, सिरहा । सिरहामा नेपाली सेनाको टोलिले फोटो खिच्ने क्रममा पत्रकारलाई दुर्ववहार सहित कुटपिट गरेको छ ।

सिरहा सदरमुकाममा लकडाउन पालना गराउन खटिएका नेपाली सेनाको टोलिले फोटो खिच्ने क्रममा पत्रकार बद्री नारायण यादवलाई कुटपिट गरेको हो । आफू पत्रकार भएको र लकडाउन पालना गराउन सेना खटिरहेको दर्शाउन फोटो खिच्दा दुर्ववहार र कुटपिट गरेको पत्रकार यादवले बताए ।

घटनाको जानकारी पाएका नेपाल पत्रकार महासंघका केन्द्रीय सदस्य देवकुमार यादवले अग्रमोर्चामा खटिने पत्रकारमाथि दुर्ववहार र कुटपिट हुनु निन्दनिय भएको बताए । उनले सञ्चारकर्मीप्रति सुरक्षा निकाय संवेदनशील बन्नुपर्ने समेत औल्याए ।