लकडाउन उल्लंघन गर्नेलाई अब २ घण्टा सडकमै उभ्याइने

न्यूज ब्यूरो, काठमाडौं । नेपाल प्रहरीले लकडाउन उल्लंघन गर्नेलाई पक्राउ गर्ने सम्बन्धी नीति परिवर्तन गरेको छ ।

अबदेखि विनाकारण सडकमा निस्किए भेटिएकै स्थानमा दुई घन्टा उभ्याइने भएको हो । प्रहरीले नियन्त्रणमा लिएकाहरुलाई सडकमा उभ्याएर कोरोना भाइरसबारे सचेतनामूलक प्रशिक्षण दिनेछ ।

यसले नागरिक आफैं सचेत भएर लकडाउन उल्लंघन नगर्ने विश्वास लिएको महानगरीय प्रहरी आयुक्तको कार्यालय, रानीपोखरीका प्रमुख विश्वराज पोखरेलले जनाए । सरकारले कोरोना (कोभिड(१९) रोकथाम तथा नियन्त्रणका लागि लकडाउनको घोषणा गरेको छ ।

यसअघि लकडाउन उल्लंघन गर्नेलाई नियन्त्रणमा लिइँदै आएको थियो ।