४० हजार घुस सहित हेडमास्टर र पिउन पक्राउ

न्यूज ब्यूरो, कपिलवस्तु । एक विद्यालयका हेडमास्टर र कार्यालय सहयोगी (पिउन) लाई अख्तियार दुरुपयोग अनुसन्धान आयोगको टोलीले रँगेहात पक्राउ गरेको छ ।

कपिलवस्तुको शिवराज नगरपालिका–८ विसनपुरमा ४० हजार घुस सहित दुई जना पक्राउ परेका छन् । श्री बाल ज्योति माध्यमिक विद्यालयका प्रधानाध्यापक रविन्द्र प्रसाद मौर्य र सोही विद्यालयका कार्यालय सहयोगी राम कुमार लोनियालाई अख्तियार दुरुपयोग अनुसन्धान आयोगको बुटवलको टोलीले घुससहित रंगे हात पक्राउ गरेको हो ।

विद्यालयमा विज्ञान शिक्षक भर्ना गराउने आवश्वासनमा घुस मागेपछि अख्तियारले उनिहरुलाई पक्राउ गरेको हो । चन्द्रौटा स्थित न्यू सिद्धार्थ होटलबाट कार्यालय सहयोग लोनियले उक्त रकम बुझेको र प्रअ पनि सोहि स्थानमा रहेको बताइएको छ । उनिहरु मथि थप अनुसान्धन भई रहेको अख्तियार दुरुपयोग अनुसन्धान आयोग बुटवलले जनाएको छ ।