सिरहामा भिषण आगलागी, ३ घर जले !

न्यूज ब्यूरो, सिरहा । सिरहामा आगलागी भिषण आगलगी हुँदा ५ लाख बराबरको क्षति भएको छ । सिरहाको विष्णुपुर गाउँपालिका ३ राजपुरमा स्थानीय रामऔतार ठाकुरको घरमा आगलागी भएको हो ।

आइतबार बेलुकी साढे ६ बजेतिर लामखुट्टे भगाउन बालेको आगो सल्केर भएको आगलागीमा परेर ठाकुरको ३ वटा घर पूर्ण रुपमा जलेर नष्ट भएको छ भने एउटा घरमा आंशिक क्षति भएको जनाइएको छ ।

आगोले घरमा रहेको चौपाया (संख्या यकिन भइनसकेको), अन्नपात, लत्ताकपडा लगायतका जिन्सी समानहरु जलेर नष्ट भएको प्रत्यक्षदर्शी पत्रकार शिवदयाल यादवले जानकारी दिए ।आगलागीको सूचना लगत्तै सिरहा र गोलबजारबाट गएको दुईवटा वारुण यन्त्रले आगोलाई नियन्त्रणमा लिएपछि थप क्षति हुनबाट जोगिएको छ ।