पप्पुको बदमासी : पुल निर्माणले गति नलिँदा स्थानीय चिन्तित

रौतहट, २५ माघ । रौतहटको गौर नगरपालिका र इशनाथ नपालाई जोड्ने लाल बकैया नदीमा पप्पु कन्ट्रक्सनद्धारा निर्माणाधिन पुलको निर्माण कार्यले गति नलिदा टिकुलियाबासी चिन्तीत हुन थालेका छन् ।

निर्धारित समयमा पुलको निर्माण कार्य पुरा नहुँदा गत भदौं ९ गते डुंगा डुर्घटनमा परेर ५ जनाको ज्यान गएपनि पप्पु कन्ट्रक्सनले द्रुत गतिमा पुल बनाउनु पर्नेमा त्यसो नगरी सुस्त गतिमा रहदा स्थानीय टिकुलियाबासी चिन्तीत भएका हुन् ।

२०७१ असार २९ गते १४ करोड ९३ लाखमा पप्पु कन्ट्रक्सनले ठेक्का सकार गरेर २०७४ साल असार २५ गते भित्र निर्माण कार्य पुरा गर्न लिखित सम्झौता तात्कालिन संचालक हरिनारायण रौनियारले गरेका थिए । पक्कि पुल बनाउने लिखित सम्झौता गरेर निर्माण कार्य सुरु गरेपनि तिन बर्षको कार्य चार बर्ष वितिसक्दा पनि अहिले सम्म ४० प्रतिशत मात्रै निर्माण कार्य भएको सडक डिभिजन कार्यालय चन्द्रपुरबाट बुझिएको छ ।

कार्य सम्पन्न हुँदा सडक डिभिजन कार्यालयबाट ५ करोड रुपैया भुक्तानी लगेको देखिन्छ तर समयमा उक्त पुल निर्माण नहुँदा वारीपारी गर्ने स्थानीय बासिन्दाहरु बाध्यताबस डुंगाको सवारी गर्नुपर्दा उक्त दुर्घटना हुँदा सोका सम्पूर्ण जिम्मेवार पप्पु कन्ट्रक्सन नै मुख्य दोषि रहेको वडा नम्वर ४ का अध्यक्ष भुनेश्वरकुमार शाहीले आरोप लगाए ।

तत्कालिन प्रधानमन्त्री शुशिल कोइरालाद्धारा शिलान्यास गरेको उक्त पुल निर्धारित समयमा पुरा गर्न निर्देशन दिदै गौरबाट सिमावर्ती पश्चिमी क्षेत्रलाई जोड्न एक मात्र पक्कि लाल बकैया नदीमा निर्माण हुन लाग्दा स्थानीय बासिन्दाहरु निकै हर्षित थिए तर गत भर्दौ ९ गते साँझ डुंगामा बसेर खोला तर्ने क्रममा पानीको भेलमा परेर निर्माणाधिन पुलको पिलरमा ठोक्किएर दुर्घटना हुँदा चार महिला सहित ५ जनाको मृत्यु भएको थियो । तर सम्बन्धित निकायबाट पुल निर्माणको कार्य तिव्र बनाएर यसपाली बर्षा याममा पुल भएर आवागमन गराउने तर्फ ठोस पहल नभएको गुनासो स्थानीय मनोज सहनीले गरे ।

सदरमुकाम गौरबाट इशनाथ, राजपुर र परोहा नगरपालिकाको गाउँ तर्फ जानका लागि स्थानीय यात्रुहरु तथा खोला पारी खेती किसानी गर्नेहरु पुलको उत्तर तर्फ बासको लचकाको माध्यमबाट आवतजावत गर्ने गरेको पाइएको छ । गत भदौं ९ गते साँझ डुंगा दुर्घटनामा परी गौर नगरपालिका वडा नम्वर ४ की ४५ वर्षीया इन्दुदेवी पटेल, ६४ वर्षीया शान्तिदेवी साह, १० वर्षीया उष्मा कुमारी पटेल, सहचालक ओमप्रकाश चन्द्रवंशी र इशनाथ नगरपालिका औरैयाकी ४५ वर्षीया रुनादेवी पटेलको ज्यान गएको थियो । यती संख्यामा सर्वसाधारणले ज्यान गुमाएपनि पप्पु कन्ट्रक्सनले पाठ नसिकेको आरोप गौर नपा ४ का वडाध्यक्ष भुनेश्वरकुमार शाहीले बताए ।

कछुवाको गतिमा पनि पुलको निर्माण कार्य नहुँदा स्थानीय बासिन्दाहरुको गुनासो बढ्दै जाँदा संघिय सड्क सुपरभिजन अनुगमन कार्यालय इटहरीका क्षेत्रिय डायरेक्टर अर्जुनजंग थापाले निरीक्षण गरेर पुलको निर्माण कार्य तिव्र गतिमा बढाउन पप्पु कन्ट्रक्सनका तात्कालिन प्रोपराइटर तथा संघिय समाजवादी फोरमका हरिनारायण रौनियारलाई फोन गरेर अविलम्ब निर्माण कार्यलाई तिव्र बनाउन नत्र कारवाही गरिने चेतावनी दिएको जानकारी सडक डिभिजन चन्द्रपुरका इन्जिनियर श्यामनारायण मिश्रले बताए ।

२०७४ असारमा पुलको म्याद सकिएको तर अहिले सम्म म्याद थप नभएको जानकारी दिदै इन्जिनियर मिश्रले निर्माण कन्ट्रक्सनको चरम लापरवाहीका कारण निर्धारित समयमा पुल निर्माण हुन नसकेको सोही कारणबाट पप्पुको म्याद थप गर्ने ठोस कारण डिभिजनमा पेश नगरेको समेत उनले भने ।