विद्युतका कर्मचारीलाई  घुससहित यसरी पक्राउ गरे स्थानीय

जनकपुरधाम, ८ पुष। सेवाग्राहीहरुबाट अवैद्यानिक रुपमले रकम उठाउँदै गर्दा धनुषामा एक विद्युत कर्मचारीलाई स्थानीयहरुले पक्राउ गरेका छन् ।

जिल्लाको सवैला नगरपालिकाका बिजुली बिभागमा सुपरभाइजर पदमा कार्यरत शम्भु मिश्रले मिटर फारम भर्न आएका १० जना सेवाग्राही बाट फाराममा हस्ताक्षर बापत प्रतिव्यक्ति २०० रुपैयाँ गरि २००० रुपैयाँ लिदै गर्दा बिजुली बिल भुक्तान गर्न आएका ब्यक्तिहरुले समाएर बजारमा सार्वजनिक गरेका छन् ।

गत फागुन मसान्तबाट मात्र बिजुलीका सम्पुर्ण कामकाज नगरपालिकामा ल्याइएका हुन । तर कामकाज आरम्भ अवस्थादेखि नै सेवाग्राहीले बिजुली बिल भुक्तानीमा थप पैसा बुझाउनेदेखी मिटरसम्ममा पनि अनेक समस्या झेल्दै आएको स्थानिय बताउँछन् ।

मिटरमा मुसो करेन्ट लागेर जलेपछि घरको सम्पुर्ण वाइरिङ्ग सर्टसर्किट हुदा निवेदन पश्चात् खोलेर लगिजाँदा पनि पछि मिटरमा चोरी भनेर आरोप लगाएको स्थानिय कमरुदिन राइनले बताए।

पोलमा मिटर तारको समस्याले घरमा बत्ती कटेपछी उजुरी गर्दा २००० रुपैया दिएपछी मात्र तुरुन्त कर्मचारी पठाउने जस्ता बिजुली तार सर्टभएपछी उजुरी दिन जादा सुपरभाइजर मिश्र फरार भएको जस्ता घटनाहरु ताजा नै रहेका बेला मिश्र पुनः घुस फन्दामा बीच बजारमा सार्वजनिक भएका हुन ।

सेवाग्राहीले कर्मचारी मिश्रलाइ समाएपछी बिचोबिच बजारमा स्थानिय बिच सार्वजनिक गर्दा मात्र उक्त घुस रकम फिर्ता गरेको हो।