गौरका नापी अधिकृत लाल विरुद्ध विशेष अदालतमा मुद्दा दायर

न्यूज ब्यूरो, रौतहट । अख्तियार दुरुपयोग अनुसन्धान आयोगले जिल्ला नापी कार्यालय गौरका नापी अधिकृत धिरेन्द्रकुमार लालविरुद्ध विशेष अदालतमा मुद्दा दायर गरेको छ ।

आयोगका प्रवक्ता रामेश्वर दङ्गालका अनुसार नापी अधिकृत लाललाई जग्गाको अंशबण्डाको कित्ताकाट गर्ने प्रयोजनाका क्रममा सेवाग्राहीसँग रु १५ हजार घुस लिएको अभियोग लागेको छ ।

गत साउन ३१ गते गौर नगरपालिका–८, सरुअठा निवासी रामगणेश ठाकुरको कित्ताकाट गर्नेक्रममा नापी अधिकृत लालले घुस रकम लिँदैगर्दा आयोगको टोलीले रंगेहात पक्राउ परेको थियो ।

आयोगले ३१ साउनमा उनलाई आफ्नो नियन्त्रणमा लिई अनुसन्धान प्रक्रिया अगाडी बढाएका थिए ।

यस सम्बन्धी पहिलो समाचार

रौतहटका नापी अधिकृत घुस रकमसहित समातिए