महोत्तरीको गौशालामा आगलगी, मोटरसाईकल जलेर ध्वस्त !

न्यूज ब्यूरो, महोत्तरी । महोत्तरीको गौशालामा आगलगी हुँदा एक मोटरसाईकल जलेर ध्वस्त भएको छ ।

गौशाला नगरपालिका १ रामनगरस्थित रामधनी महराको घरमा गएराति अचानक रुपमा आगलगी भएको हो । आगलगीमा परि ज १० प ४७ नम्बरको मोटरसाईकल जलेर नष्ट भएको छ भने घरभित्र रहेको दुई थान साईकल, लताकपडा लगायतका सरसमान जलेर नष्ट भएको स्थानिय जयकिशोर महतोले जानकारी दिनुभयो ।

आगलगीको कारण ३ लाख बराबरको क्षती भएको महतोले जनाएको छ । यता घटनाको बारेमा थप अनुसन्धान भईरहेको ईलाका प्रहरी कार्यालय गौशालाका प्रहरी नायव निरीक्षक प्रदीप भगतले बताउनुभयो ।