अपडेट : डुङगा दुर्घटनाबाट दर्जन बढीको उद्धार , दर्जन बढी अझ बेपत्ता

सँजय सहनी |
रौतहट, ९ भदौ । रौतहटको बकैयाँ नदिको टिकुलिया घाटमा भएको डुङगा दुर्घटना परेकाहरुमध्ये एक दर्जन बढी ज्यान सकुशल उद्धार गरिएको छ भने दर्जन बढी अझ बेपत्ता नै रहेको आशंका गरिएको छ ।

रौतहटका प्रमुख जिल्ला अधिकारी गोविन्द प्रसाद रिजाल, सशस्त्र प्रहरी बलका एसपी कृष्ण ढकाल र नेपाली सेनाका कर्णेल सुजन शाक्यको नेतृत्वमा खटिएको सुरक्षाकर्मीहरुको टिमले १५ जनालाई सकुशल जोगाउन सफल भएका छन् ।

स्थानिय प्रशासनको अनुरोध :
---------------------------------
शनिवार साझ गौर स्थित टिकुलिया घाटमा भएको डुगा दुर्घटनामा तपाइको कोही आफ्ना आफन्तजन हराइरहेका छन भने नजिकको प्रहरी चौकी तथा ९८५५०३५५५५, ९८५५०३७७७७, १००, ०५५-५२०८४० जिल्ला प्रहरी कार्यालय रौतहटकाे १००मा सम्पर्क गर्न स्थानिय प्रशासनले अनुरोध गरेको छ ।

डुङगा दुर्घटनामा परेर नदीमा बेपत्ता भएकाहरु मध्ये स्थानीय २५ बर्षिय जय प्रकाश गिरी, ५० बर्षिय सुखिया देवी सहनी, ३२ बर्षिय स्थानीय उमेशको श्रीमती, श्रीभगवान यादव, ३५ बर्षिय महेन्द्र सहनी, ३२ बर्षिय विश्वनाथ राय, २५ बर्षिय पप्पु चन्द्रवंशी, अँगज पासवान, सँजय चन्द्रवंशी, विजय चन्द्रवंशी, सँतोष दास, राजेन्द्र सहनी, सीमा देवी सहनी, सीतावत्ति देवी सहनी, गीता देवी सहनी, कृष्णा देवी सहनी, जीरा देवी फकिर, राम जनम पटेललाई उद्धार टोलीले सकुशल बाहिर निकाल्न सफल भएको हो ।

डुङगामा करिब ३० बढी जना सवार थिए भने अझ त्यतिको यात्रु हराइरहेको र उद्धार कार्य तीव्र पारिएको प्रमुख जिल्ला अधिकारी रिजालले बताए ।उनका अनुसार, उद्धार कार्यको लागि २ सय ५० बढी सुरक्षाकर्मीहरु तैनाथ गरिएको छ भने नदिमा ३ वटा रेस्क्यू बोट –उद्धार गर्ने डुङगा परिचालन गरिएको हो ।

पूल निर्माणको ठेकेदारको कारण दुर्घटना

बकैयाँ पूल निर्माणको ठेक्का लिएरका पूर्व ठेकेदार एवम् हाल प्रदेश नं. २ का प्रदेश साँसद हरि नारायण रौनियारको पप्पु कन्स्ट्रक्सनको लापरवाहीले गर्दा डुङगा दुर्घटना भएको बताइएको छ ।

उक्त निर्माण कम्पनीले समयमा पूल नबनाइदिँदा बाध्यतावंश नदि पार गर्न डुङगा चलाउनु परेको तथा पूल निर्माणको लागि बनाइएको पिलरमा डुङगा ठोक्किएर पल्टिएको उद्धारबाट बाँचेकाहरु बताउँछन् ।

नदिमा पानीको बहाब उच्च भएपछि डुङगालाई धकेल्दै निर्माणधिन पुलको पिलरमा ठोक्किएर दुर्घटना हुँदा दर्जनौ मानिस बेपत्ता भएको थियो ।

रक्षाबन्धन मनाउन आइरहेकी थिइन अधिकांश यात्रुहरु

भाई बहिनीको सद्भाव र प्रेमको पर्व रक्षाबन्धन पर्व मनाउन विभिन्न गाउँबाट आ आफ्नो माईती आइरहेकी थिइन स्थानीय चेलीहरु । भाईको हातमा भोली रक्षा बन्धन हाल्ने सयौँ सपना बोकेर आएकी कैयौँ बहिनीहरु पानीको उच्च बहाबमा बगिन् ।

रक्षा बन्धनलाई लिएर यात्रुहरु नदीमा डुङगाबाट ओहोर दोहोर गरिरहेको थियो । भोली रक्षाबन्धन पर्व रहेको छ ।
डुङगा दुर्घटनापछि विभिन्न टोल नै त्रसित र विच्चलीमा परेको छ । अहिले पनि १२ जना बढी हराइरहेको जानकारी छ । थप विवरण आउन बाँकी छ ।