जनकपुरः वडाध्यक्ष विरुद्ध बकरी (बाख्रा) जुलुस

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि लगत्तै रहेको धनुषाको धनौजीमा एक वडाध्यक्ष विरुद्ध बकरी (बाख्रा) जुलुस निकालिएको छ ।

धनौजी गाउँपालिका वडा नम्बर ४ का वडाध्यक्ष कलिम साफी विरुद्ध बकरी जुलुस निकालिएको हो । स्थानीय युवाहरुले कलिमले नै गाउँपालिकालाई प्रभावित पार्न खोजेको भन्दै उनी विरुद्ध बकरी जुलुस निकालिएको हो ।

बिगत दुई महिना देखी वडा कार्यालयमा तालाबन्दी भएपनि वडा अध्यक्षले कुनै चासो नलिएको भन्दै आज स्थानीयहरुले वडा अध्यक्ष विरुद्ध बकरी जुलुस निकालेको हो ।

विगत दुई महिनादेखि निरन्तर वडा कार्यालयमा तालाबन्दी भएपनि वडाध्यक्ष साफीले कुनै चासो नदेखाएपछि बाध्य भएर स्थानीयहरुले उनको विरोधमा बकरी जुलुस निकालेको हो । वडाध्यक्षले अझै पनि तालाबन्दी खुलाउन चासो देखाएका छैनन् ।

वडा कार्यालयमा भएको तालाबन्दीबाट सेवाग्राहीहरु समेत मारमा परेका छन् । तालाबन्दी गरिएको महिनौँ बित्दा समेत कार्यालय सूचारु गर्न पहल नभएको भन्दै स्थानीयहरुले आज बाख्रा जुलुस नेकालेका छन ।

लोसपाका नेता सन्तोष मण्डलको नेतृत्वमा आज स्थानीय हरुले बकरी जुलुस निकालेको हो । उनले वडाध्यक्ष अहिलेसम्म ताला खुलाउन कुनै चासो नलिएपछि बाध्य भएको बताए ।

धनौजीमा स्थानीय सरकार आएदेखि पहिलो वर्षमा ५० लाख, दोस्रो वर्षमा १ करोड र तेस्रो वर्षमा ९५ लाख रुपैयाँ बजेटको सिलिङ गरिएको थियो ।

त्यस्तै चालु आर्थिक वर्षमा २ करोडको बजेट सिलिङ गरिएको थियो । छुट्याइएको बजेट अनुसार काम नभएको भन्दै उनकै नेतृत्वमा वडाकार्यालयमा तालाबन्दी गरिएको थियो ।

आधा काम सम्पन्न गरेर पूरै भुक्तानी भईसकेको योजनामा समेत फेरि बजेट छुट्याइएको उनले बताए ।