जनकपुरको राजदेवीमा आज दिउँसो ३ बजेसम्म मात्र खोईच भराई, साँझ ७ बजेदेखि बोकाबली

न्यूज ब्यूरो, जनकपुरधाम । जनकपुरको प्रसिद्ध शक्तिपीठ राजदेवी मन्दिरम आज सोमबार दिउँसो ३ बजेसम्म मात्र खोईच भराई कार्यक्रम चल्ने भएको छ ।

आयोजक महावीर युवा कमिटिका अनुसार दिउँसो ३ बजेसम्म खोईच भराई कार्यक्रम भई त्यसपछि मन्दिर सफाई, धुवाई कार्यक्रम गरिनेछ ।

महाअष्टमी तिथि भएकोले आज साँझ ७ः०० बजेदेखि बोकाबलीको कार्यक्रम राखिएको आयोजक समितिले जनाएको छ । यसपाली टाउको वापत प्रति टाउको रु. ३०० रुपैयाँ तोकिएको हो ।

अहिलेसम्म राजदेवी मन्दिरको लागि १३ हजार बढी रसिद कटाईसेको जनाइएको छ । आज साँझदेखि बोकाको लाईनमा समेत रसिद काटने क्रम जारी रहने समितिले जनाएको छ ।

बोकाबलीको लागि यसपाली समेत चार वटा ठेहा राखिएको भएको छ । विहानसम्म १५ हजारको हाराहारीमा बोकाबली हुने अनुमान गरिएको छ ।