एमालेसँग मिलेर मधेशमा सरकार बनाउने निर्णय भएको छैनः अध्यक्ष यादव

न्यूज ब्यूरो, जनकपुरधाम । मधेश प्रदेशमा नयाँ सरकार गठनका लागि नेकपा (एमाले) र जनता समाजवादी पार्टी (जसपा) नेपालबीच सहकार्य हुने चर्चा भइरहेका बेला जसपा नेपालले एमालेसँग मिलेर सरकारमा सहभागी हुने कुनै निर्णय नभएको स्पष्ट पारेको छ ।

पार्टीले वर्तमान अवस्थामा एमालेसँग सहकार्य गरी सरकारमा सहभागी हुने विषयमा कुनै नीति नलिएको र कुनै पक्षसँग समझदारीसमेत नगरेको जनाएको छ । तत्काल सरकारमा सहभागी हुने सम्भावना पनि नरहेको जसपा नेपालका अध्यक्ष उपेन्द्र यादवको भनाइ छ ।