जनतान्त्रिकले बम विस्फोट गराएको आशंका , एक जनालाई हेलिकप्टर मार्फत काठमान्डौं लग्ने तयारी

न्यूज ब्यूरो, सिरहा । प्रदेश नम्बर २ को सिरहाको लहानस्थित आज (आईतबार) दिउँसो भएको बम विस्फोटमा जनतान्त्रिक मुक्ति मोर्चा गोईत समूहको हात हुन सक्ने आशंका गरिएको छ ।

जिल्ला प्रहरी कार्यालय सिरहाका प्रहरी उपरीक्षक (एसपी) सुदीपराज भण्डारीका अनुसार, बम विस्फोटमा जनतान्त्रिक मुक्ती मोर्चा गोईत समूहको हात रहेको आशंका बताए ।

भण्डारीका अनुसार, आईतबार बिहान जनतान्त्रिक मुक्ति मोर्चा गोईत समूहका सेकेण्ड म्यान राम विलास यादवले जिल्ला प्रशासन कार्यालय सिरहामा एक विज्ञप्ति टाँसेर सादा जीवन (समान्य) जीवन विताउने उदघोष गरेका थिए ।

उक्त समूहकै असन्तुष्ट पक्षले बम विस्फोट गराएको हुन सक्ने अनुमान गरिएको छ । यद्यपी, यसबारे भने अधिकारीक जिम्मेवारी नलिएको प्रहरीले जनाएको छ ।

यता, प्रदेश नम्बर २ का डिआईजी धीरज प्रताप सिँहका अनुसार, घटनास्थलबाट गोईत समूहको पर्चा समेत भेटिएको बताएका छन् । प्रहरीका अनुसार, मालपोत कार्यालयभित्र कुकर बम विस्फोट गराएको हो ।

सोही विस्फोटमा परी ३० बर्षिय दिनेश कुमार भण्डारीको अवस्था चिन्ताजनक रहेको छ । उनको अहिले लहानस्थित रहेको सप्तऋषी हस्पिटलमा उपचार भइरहेको छ भने उनलाई हेलिकप्टर मार्फत काठमान्डौं पठाउने तयारी गरिएको एसपी भण्डारीले बताए ।

विस्फोटबाट घाइते कार्यालयका नायब सुब्बा शिव कुमार यादव , सेवाग्राही धनगढीमाइ १३ भोला बहादुर पाछे मगर,धनगढि ४ दिनेश कुमार भन्डारीको अवस्था चिन्ता जनक रहेको छन, गोलबजार ४ कि फुल कुमारी ठाकुर,गोलबजार ६ कि बेचनी मगर,लक्षमि नारायण मगर,लहान नपा १६ तरेगना का लाल बहादुर बि क ,भगवानपुर ३ आव्हेनगर बद्री नारायण यादव रहेका छन् ।

सो घटनामा परी अहिलेसम्मको अपडेट अनुसार ८ जना घाईते भएका छन्, जसमा भण्डारीलाई गम्भिर चोट लागेको छ ।

प्रहरीले मालपोतमा लागेको सिसिटिभीको फुटेजको आधारमा अनुसन्धान सुरु गरेको हो । थप विवरण आउन बाँकी ।