विद्यालयमा मुस्लिम समुदायकी बालिकालाई हिजाब नै लगाउन दिनुपर्छ : मुस्लिम आयोग

न्यूज ब्यूरो, जनकपुरधाम । मुस्लिम आयोग नेपालले विद्यालयहरुमा मुस्लिम आयोगकी बालिकाहरुलाई हिजाब (बुर्का जस्तै तर, अनुहार देखिने गरी लगाइने पहिरण) नै लगाउन दिनुपर्ने निर्णय पेश गरिएको छ ।

मुस्लिम आयोगले गत बुधबार नेपाल सरकारको शिक्षा, विज्ञान तथा प्रविधि मन्त्रालयमा पठाएको पत्रमा विद्यालयमा पढन जाने मुस्लिम बालिबाहरुलाई हिजाब नै लगाउन दिनुपर्ने उल्लेख गरिएको हो ।

ललितपुरस्थित रहेको मुस्लिम आयोगले गत बुधबार फागुन २६ गते शिक्षा मन्त्रालयमा चलानी नम्बर ३११ को पत्रानुसार सरकारी तथा नीजी विद्यालयहरुमा पढन जाने मुस्लिम समुदायकी बालिबाहरुलाई विद्यालयको ड्रेस नभएर हिजाब लगाउन दिनुपर्ने भनेर निर्णय पठाएको हो ।

मुस्लिम समुदायको गत मँगलबार २५ गते बसेको बैठकबाट मुस्लिम समुदायको धार्मिक तथा साँस्कृतिक मान्यतलाई सम्मान गर्दै विद्यालयले तोकेको पोशाक नभएर मुस्लिम समुदायमा प्रयोग गर्ने हिजाब नै प्रयोग गर्न दिने भनेर निर्णय गरेको हो ।

निर्णयमा विद्यालयमा पढन जाने बालिकाहरुले कुर्ता, सुरुवाल र हिजाब लगाउन दिनुपर्ने निर्णय गरिएको पत्र पठाएको हो । शाखा अधिकृत दयाराम तिवारीद्धारा हस्ताक्षरित सो पत्रमा शिक्षा मन्त्रालयलाई निर्णय कार्यन्वयनको लागि अनुरोध गरिएको हो ।