सुनैना ठाकुरको गोरख धन्दाः अरुको पेन्टिँग चोरेर आफ्नो नामले मन्दिरमा प्रदर्शन

न्यूज ब्यूरो, जनकपुरधाम । आफूलाई मिथिला चित्रकार भनेर चिनाउने जनकपुरकी सुनैना ठाकुरको गोरख धन्दाको पोल आज खुलेको छ ।

जनकपुरमा आयोजना गरिएको ४ दिने जनकपुर साहित्य महोत्सवको क्रममा जानकी मन्दिरमै सुनैना ठाकुरले राखेको मिथिला चित्रकलाको स्टलको क्रममा एक भारतीय चित्रकारको पेन्टिँगमा आफ्नो नाम राखेर प्रदर्शन गरेपछि पोल खुलेको हो ।

जनकपुर साहित्य महोत्सव चलिरहेको स्थलको ठीक सामुन्ने सुनैना ठाकुरले लगाएको एकल मिथिला चित्रकला प्रदर्शनीको क्रममा भारतीय चित्रकार भारती दयालको पेन्टिँगलाई प्रिन्ट गरी आफ्नो नाम दिएर सजाएपछि अपमानित हुनुपरेको छ ।

Origional Painting | By : Bharati Dyal

स्टलमा “ट्री अफ लाईफ” नामक पेन्टिँग पनि राखिएकोमा त्यो पेन्टिँग मधुवनी चित्रकलामा चित्र कोर्ने चित्रकार भारती दयालको सम्पत्ति रहेको खुलेको छ । पिन्टेरेस्ट वेभ” मा राखिएको भारती दयालको पेन्टिँगलाई चोरी गरी जानकी मन्दिरमा प्रदर्शन गरेपछि चित्रको कापिराईट लागेको हो ।

त्यहाँ लगाइएका मिथिला चित्रकला सुनैनाले बनाएको चित्रकला नभई एक भारतीय महिला चित्रकारले बनाएको चित्रकला रहेको प्रमाणित भएको छ ।

Duplicate Painting | By: Sunaina Thakur

यस सन्दर्भमा न्यूज ब्यूरोले सुनैना ठाकुरको 986-5434350 नम्बरमा सम्पर्क गरी प्रतिक्रिया लिन खोज्दा उनले फोन उठाएनन् ।

फेसबुक सहित अन्य माध्यमबाट पनि ठाकुरले आफूलाई मिथिला चित्रकलाको अब्बल चित्रकारको उपमा स्वयँम दिँदै आएकी थिइन्, तर जानकी मन्दिरमै उनको चोरी पक्रिएपछि उनको अब्बलतामाथि प्रश्न चेर्साइएको छ ।

अरुको पेन्टिँग चोरी गरी प्रदर्शनी गर्न र मिथिला चित्रकलाको नाममा प्रदेश सरकारबाट १० लाख रुपैयाँ लिएको बुझिएको छ ।