जिल्ला सहकारी सँघ धनुषामा भाँडभैलो

न्यूज ब्यूरो, जनकपुरधाम । जिल्ला सहकारी संघ धनुषाको करोडौं रकम हिनामिना गरेको भन्दै सधारण सभामा भांडभैलो मच्चेकोछ ।

संघका निवर्तमान अध्यक्ष हरिचन्द्र हरियौत यादवको समूहले संघको चल अचल सम्पत्ति हिनामिना गरेको भन्दै अध्यक्ष रामबाबु यादव नेतृत्वको समूहले सधारण सभा रोकेको छ ।

फर्जि सदस्यहरुको आडमा हरियौत नेतृत्वको समूहले भ्रष्टाचार लुकाउन सधारण सभा आयोजना गरेको भन्दै यादव नेतृत्व को समूहले कार्यक्रममा सहभागी प्रदेश २ को भूमि ब्यवस्था कृषि तथा सहकारी राज्यमन्त्री योगेन्द्र राय यादवमाथि नै खनिएका थिए ।

निवर्तमान अध्यक्ष हरियौत र जिल्ला बचत सहकारी संघका धनुषा अध्यक्ष ध्रुव यादव लगायतका पदाधिकारीले सहकारी जगेडा कोषको ४७ लाख, सहकारी को घर भाडा वापतको मासिक १ लाख ७२ हजार, राष्ट्रिय सहकारी बोर्डको अनुदान रकम २० लाख र संघको १७ धुर जग्गा कौडिको भाउमा बेचेर रकम अनियमितता गरेको आरोप छ ।

पछिल्लो २४ वर्ष देखि उनीहरुले संघ भित्र गैरकानूनी तरिकाबाट कामकाज गरेको भन्दै बहुमत सदस्यले रामबाबु यादव को अध्यक्षतामा ,उपाध्यक्ष सिताराम यादब (हनुमान) गत महिना संघको नेतृत्व चयन गरेको छ ।

जिल्ला बचत सहकारी संघमा पनि फर्जी तारिकले धुर्ब यादब अध्यक्ष बनेका छन भने रामबाबु यादब ले बताए ।