जनकपुरः गाउँपालिका अध्यक्षको सरकारी गाडीबाट ८ लाख बरामद, कुदेर गाडीबाटै भागे अध्यक्ष !

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरबाट एक गाउँपालिका अध्यक्षको गाडीबाट ८ लाख रुपैयाँ बरामद भएको छ ।

धनुषाको उत्तरी पश्चि स्थित रहेको बटेश्वर गाउँपालिकाका अध्यक्ष डम्बर बहादुर क्षेत्री (गणेश राउत) ले चढदै आएको सरकारी गाडीबाट ८ लाख रुपैयाँ बरामद भएपछि गाउँपालिका अध्यक्ष हामफालेर भागेका छन् ।

अध्यक्ष राउतल चढ्दै आएको सरकारी गाडीबाट ८ लाख अवैध घुस रकमसहित गाडी चालक अख्तियारको फन्दामा परेको जनाइएको छ ।

अख्तियार दुरुपयोग अनुसन्धान आयोग टँगालबाट खटि गएको टोलीले अध्यक्ष राउत चढने गाडीबाट ८ लाख रुपैयाँ बरामद गरेको बुझिएको छ । यद्यपी, अख्तियार दुरुपयोग अनुसन्धान आयोग टँगालले भने छापामारी भएको जनाउँदै के कति बरामद भएको बारे अहिले भन्न नमिल्ने बताएको छ ।

गाउँपालिकाले निमार्ण गरेको निर्माणको भवन निमार्णको क्रममा ठेकेदारसंग ८ लाख रुपैयाँ घुस रकम लिएको आरोपमा अख्तियारको टोलीले सोमवार साँझ गाउँपालिका अध्यक्ष राउतलाई अख्तियारको टोलीले पछ्याएको थियो ।

बटेश्वर गाउँपालिकाले अध्यक्षले चढ्दै आएको पालिकाको स्कारपियोबाट ८ लाख रुपैया बरामद भएको हो । ८ लाख रुपैयासहित गाडी र चालकलाई अख्तियारले टोलीले नियन्त्रणमा लिएको बटेश्वर प्रहरी चौकीले जनाएको छ । अध्यक्ष राउत सम्पर्कविहिन भएका छन् ।

विकास निर्माणको क्रममा ठेकेदारहरुसंग बटेश्वर गाउँपालिकामा निकै कमिसनको चलखेल हुदै आएको स्थानियहरुको गुनासो रहेको छ ।

यता, यसबारे अख्तियार दुरुपयोग अनुन्धान आयोगका सह प्रवक्ता एवम सूचना अधिकारी वेदप्रसाद भण्डारीसँग सम्पर्क गर्दा छापामारी भएको बताउँदै के कति रकम बरामद भएको, रँगेहात पक्राउ भएको वा अन्य के भएको बारे अहिले भन्न नमिल्ने बताए ।

उनले केही बेरमा अख्तियार दुरुपयोगन अनुसन्धान आयोगले प्रेस विज्ञप्ति जारी गरी सम्पूर्ण जानकारी दिने बताए ।