स्कूले बालबालिकाको खाजामा पनि भ्रष्टाचार

न्यूज ब्यूरो, सिरहा । प्रदेश नम्बर २ को सिरहामा एक विद्यालयमा बालबालिकाहरुको लागि आउने खाजामा पनि भ्रष्टाचार भएको भन्दै प्रदर्शन गरिएको छ ।

सिरहा जिल्लाको सुखिपुर नगरपालिकामा आईतबार सुखिपुर नगर सुधार समितीले बालबालिकाहरुको खाजामा पनि भ्रष्टाचार गरेको भन्दै प्रदर्शन गरेको हो ।

विद्यार्थीको खाजामा गरेको भ्रष्टाचारको बिरोधमा सान्दर्भिक जुलुस निकालिएको समितिले जनाएको छ । विद्यालय व्यवस्थापन समितिले सरकारको तर्फबाट बालबालिकाहरुको लागि आउने खाजामा भ्रष्टाचार गरी खाजा समेत नदिएको आरोप छ ।

आईतबार सुखिपुर रामजानकी मन्दिरको प्राँगनबाट निकालिएको जुलुस वडा नम्बर ८ को परिक्रमा गरि सुखिपुर बजारमा कोणसभा गरिएको थियो । जुलुसमा भ्रष्टाचार बन्द गर , बिधालयहरुको पठनपाठनमा सुधार गर र बिद्यार्थीहरुको खाजा सुचारु गर भन्दै जुलुस निकालिएको थियो ।

कानुनी सल्लाहकार गुमस्ता कुमार यादवका अनुसार विगत २० महिना देखि बिधालयहरुले बालबालिकाहरुको लागि आउने खाजा नदिएको आरोप लगाइएको छ ।

नगर सुधार समिति अध्यक्ष विपी भुवन यादवको नेतृत्वमा निकालिएको जुलसमा नगरभित्रको अन्य विभिन्न समुदायिक विद्यालयहरुमा विगत १ बर्षदेखि कुनै प्रकारको खाजाहरु नदिएको आरोप लगाइएको छ ।

सुखिपुर नगरपालिका वडा न ३ का वडा अध्यक्ष बिजय कर्ण दासले भने, “बिगत १ बर्ष देखि बिद्यार्थीहरुले खाजा पाइरहेका छैन । यसको बारेमा आफुलाई केही जानकारी नरहेको पनि बताए ।

यस सन्दर्भमा सुखिपुर नगरपालिकाको मेयर रामाऔतार यादवलाई सम्पर्क गर्दा सम्पर्क भएन् ।