प्रदेश २ः रोकि राखेको ट्रकमा यात्रुवाहक बसले ठक्कर दिएपछि १६ घाईते, २ जना रिफर !

न्यूज ब्यूरो, सिरहा । प्रदेश नम्बर २ को सिरहामा बस दुर्घटना हुँदा करिब डेढ दर्जन यात्रु घाईते भएका छन् ।

सिरहा जिल्लाको कर्जन्हा नगरपालिका वडा नम्बर ४ बस्तिपुर स्थित गएराती ११ः४५ बजे भएको सो बस दुर्घटनामा परी १६ जना घाईते भएका छन् । जसमध्ये २ जनाको अवस्था गम्भिर रहेको जिल्ला प्रहरी कार्यालय सिरहाले जनाएको छ ।

बस्तिपुरस्थित रोकिएर राखेको ना ६ ख १११० नम्बरको ट्रकमा काँकभिटादेखि काठमान्डौतर्फ जाँदै गरेको ना ५ ख ८९८ नम्बरको यात्रुबाहक बसले ठक्कर दिएपछि बसमा सवार १६ जना घाईते भएको प्रहरीले जनाएको छ ।

सो यात्रुवाहक बसमा सबार ३५ जनामध्ये १४ जना समान्य घाईते तथा २ जना गम्भिर घाईते भएका छन् । घाईतेहरुको तत्कालै प्रहरीले सिरहा स्थित रहेको फूलकुमारी मेमोरिय हस्पिटलमा उपचारको लागी पठाएको थियो । कैयौं जना सकुशल घर फर्केका छन् ।

सो दुर्घटनामा सुनसरीको कोशी गाउँपालिका वडा नम्बर ४ बस्ने २४ को समिर आलम र सोही ठाउँ बस्ने बर्ष ३४ को बिन्दे साह घाईते भएको हो । उनीहरु दुवै जनाको टाउकोमा गम्भिर चोट लागेकोले थप उपचारको लागि बाहिर रिफर गरिएको जनाइएको छ ।

अन्य यात्रुहरुलाई खुट्टा तथा हातमा चोट लागेको तथा उनीहरुको समान्य उपचारपछि घर फर्केको जनाइएको छ । बसको चालक र खलासी भने फरार रहेको जनाइएको छ ।

सोही क्रममा सिरहाको गोलबजार नगरपालिका ४ पुरानो बसपार्कमा गएराति मोटरसाइकल र कार आपसमा ठोक्किँदा दुई जना घाइते भएका छन् ।

प्रदेश २ ०१ ००१ प ६६५ र प्रदेश ३ ०१ ०२४ च २३१३ नम्बरको कार आपसमा ठोक्किएका हुन् । दुर्घटनामा मोटरसाइकलमा सवार दुई जना घाइते भएको र दुवैलाई उपचार गर्न भुमिजा अस्पताल पठाइएको सिरहा प्रहरीले जनाएको छ ।

दुवै सवारी साधन र कार चालकलाई प्रहरीले नियन्त्रणमा लिएको छ ।