अब यस्तो बन्दैछ जानकी मन्दिर अगाडीको फूलबारी, यस्तो हुनेछ सुविधा

न्यूज ब्यूरो, जनकपुरधाम । विश्व प्रसिद्ध जानकी मन्दिरको अगाडीमै रहेको फूलबारीको स्तरोन्नती हुने भएको छ । प्रदेश सरकारले सो फूलबारीलाई स्तरोन्नती गर्न लागेको हो ।

विगत २ बर्षदेखि विवादमा रहेको जानकी मन्दिर अगाडीको जानकी फूलबारीलाई प्रदेश २ सरकारले ‘मुख्यमन्त्री स्वस्थ अभियान’ अन्तर्गत ‘जानकी मन्दिर एण्ड सराउण्डिङ’ सौन्दर्यीकरणका क्रममा यसको निर्माण हुने भएको जनाइएको छ ।

प्रदेश सरकारले सबैको सल्लाह र सुझावका लागि पहिलो पटक उक्त फूलबारीको डीपीआर सार्वजनिक गरेको छ । इन्जिनियर भगवान झाले अलपत्र अवस्थामा रहेको जानकी फूलबारीलाई सिंगार्ने काम भइरहेको छ बताए ।

‘हामीले जनताबाट फिडब्याकका लागि डीपीआर सार्वजनिक गरेका हौं,’ यही फागुन महिनाभित्रै यसको सौन्दर्यीकरण भइसक्ने गरी काम भइरहेको बताउँदै उनले इन्जिनियर्स पोस्टसँग भने, ‘अहिले ढल बनाउने, भित्रबाहिर मार्बल बिछ्याउने काम भइरहेको छ ।’

फूलबारीमा ३ ओटा नयाँ गेट पनि लगाइसकिएको छ । अब फाइनल पोलिसिङको काम मात्रै भइरहेको झाले बताए । झाका अनुसार फूलबारीभित्र जुत्ता चप्पल लगाउन निषेध गरिने भएको छ र पार्किङको पनि छुट्टै व्यवस्था हुने भएको छ ।

फूलबारी डिजाइन राष्ट्रिय इन्जिनियर संघका इन्जिनियरहरूले निःशुल्क रूपमा डिजाइन गरको हुन् । झा भन्छन्, यसको डिजाइन राष्ट्रिय इन्जिनियर संघका इन्जिनियरहरूले निःशुल्क बनाएका हुन् ।’

जानकी फूलबारी करिब करिब १ सय फिट लम्बाइ र ५० फिट चौडाइ ९करिब ३ हजारदेखि ४ हजार वर्गमिटर फिट० मा बन्ने भएको छ । विशेषगरी मन्दिर घुम्न आउने पर्यटकका लागि आराम, मनोरन्जन दिने उद्देश्यले फाउन्टेनको सुविधासहितको बनाइँदैछ ।