मन्त्री यादवले तोडे नेकपाको गढ, पूर्वलडाकु सहित जनजातीहरु जसपामा प्रवेश

न्यूज ब्यूरो, सिरहा । जनता समाजवादी पार्टीका प्रदेश अध्यक्ष एवम् आर्थिक मामिला तथा योजना मन्त्री विजय कुमार यादवले सिरहामा नेकपाको गढ तोडेका छन् ।

नेकपाको गढ रहेको सिरहाको धनगढीमाई नगरपालिकामा मन्त्री यादवले पूर्व लडाकु सहित अन्य भोट चेन्जरहरुलाई जनता समाजवादी पार्टीमा प्रवेश गराएका छन् । विहिबार धनगढीमाई पुगेका मन्त्री यादवले पूर्व लडाकुहरुलाई पार्टीमा भित्र्याएका छन् ।

नेकपाको प्रचण्ड समूहको गढ मानिएको सो क्षेत्रका किँग मेकर नेताहरु जसपामा प्रवेश गरेका छन् । तत्कालिन माओवादीका पूर्व लडाकु महेन्द्र कुमार तामाँग सहित ३ दर्जन नेता तथा कार्यकर्ताहरु जसपामा प्रवेश गरेका छन् ।

आज मन्त्री यादवले प्रवेश गराएका पूर्व लडाकु नेताहरु धनगढीमाई नगरपालिका क्षेत्रको लागि किँग मेकरको रुपमा चिनिन्छ । सो क्षेत्रमा महेन्द्र कुमार तामाँगको कडा दबदबा रहेको जनाइएको छ ।

नेता लामा सहित पान बहादुर मगर, रुद्र बहादुर फुयाल, प्रकाश मगर, युवराज तिमिल्सीना, शरद तिमिल्सीना, चम्बर लामा, सुबोध साह, मिरु केसी, बिजला ठाकुर, शम्शेर मगर, प्रवीण ढुँगाना, भीम बहादुर हमाल, प्रदीप कुमार ढुँगाना, हनुमान साह, अरुण कुमार रत्न, सँजय महतो, सियाराम महतो, जयराम महतो, तोप बहादुर कार्की, शैलेन्द्र पुलामी, गीताराज कोटेल, कुशुम कुमार बान्तवा लगायतका नेता कार्यकर्ताहरु जसपामा प्रवेश गरेका छन् ।

उनीहरुले नेकपाले जनजातीहरुको लागि कुनै मुद्दा नउठाएर स्वार्थको राजनीतिमा लागेपछि जसपामाथि आसा जनाएको हो । उनीहरुले जसपाले प्रदेशभित्र रहेको जनजातीहरुको लागि नयाँ कदम उठाउने विश्वास सहित नेकपा त्याग गरेर जसपामा प्रवेश गरेको हो ।

मन्त्री यादवले नव प्रवेशीहरुसँग उनीहरुको माग सम्बोधनको लागि प्रदेश सरकार तत्पर रहेको प्रतिवद्धता जाहेर गरेपछि पूर्व लडाकुहरु जसपामा प्रवेश गरेका हुन् । उनीहरु जसपामा प्रवेश गरेपछि नेकपामा पक्कड रहेको क्षेत्रमा अब जसपाको पक्कड हुने विश्वास गरिएको छ ।

पार्टी प्रवेशको क्रममा जसपाका केन्द्रीय सदस्य एवम् पूर्वमन्त्री समेत रहेका जसपाका नेता शत्रुधन सिंह लगायत दर्जन बढी नेताहरुको उपस्थिति रहेको जसपाका विद्यार्थी नेता विवेक दासले जानकारी दिए ।