आजदेखि जनकपुरमै धरान हस्पिटलजस्तै 'मधेश स्वास्थ्य विज्ञान प्रतिष्ठान' सँचालन

न्यूज ब्यूरो, जनकपुरधाम । प्रदेश नम्बर २ को सरकारले धरान स्थित रहेको विपी कोईराला स्वास्थ्य विज्ञापन प्रतिष्ठानजस्तै मधेश स्वास्थ्य विज्ञान प्रतिष्ठान सँचालनमा ल्याएको छ ।

प्रदेश नम्बर २ को अस्थायी राजधानी जनकपुरधामस्थित बुधबार एक कार्यक्रमबीच मधेश स्वास्थ्य विज्ञान प्रतिष्ठानको उदघाटन गरिएको हो । प्रदेश नम्बर २ का मुख्यमन्त्री मो. लालबाबू राउत गद्दी र समाजिक विकास मन्त्री नवलकिशोर साहले सँयुक्त रुपमा उदघाटन गरेका छन् ।

ईमरजेन्सी भएको बेलापनि धरान नै रिफर गर्नुपर्ने अवस्थामा प्रादेशिक अस्पतालमै मधेश स्वासथ्य विज्ञान प्रतिष्ठान उदघाटन सँचालनपछि बरिष्ठ डाक्टरहरुको उपस्थितिले अब धरान जानुपर्ने बाध्यता हटने मुख्यमन्त्री राउतले बताए ।

धरान स्थित रहेको घोपा क्याम्प (विपी कोईराला स्वास्थ्य विज्ञान प्रतिष्ठान) जस्तै अब जनकपुरमा पनि हरेक रोगको उपचार सम्भव हुने मुख्यमन्त्री राउतको कथन थियो । उदघाटन गर्दै उनले ईमरजेन्सी सहित ठुल ठुला रोगको लागि पनि अब जनकपुरमै उपचार सम्भव हुने सपना साकार हुने जिकिर गरे ।

प्रदेश नम्बर २ को लागि प्रदेशको गौरवको रुपमा आज उदघाटन गरिएको मधेश स्वास्थ्य विज्ञान प्रतिष्ठानमा सबै तहको मेडिकल पढाई पनि हुने प्रदेश नम्बर २ का समाजिक विकासमन्त्री नवल किशोर साहको दाबी थियो ।

यसअघि गम्भिर घाईते, टाउको सम्बन्धी इन्जुरी, कडा रोग, ईमरेन्जेन्सीको बेला काठमान्डौं वा धरान नै लैजानुपर्ने मजबुरी अब परास्त हुने र सबै रोगको उपचार पनि जनकपुरमै सम्भव बनाउने उदेश्य प्रतिष्ठानको रहेको बताइएको छ ।