प्रदेश २ः सरस्वति पूजाकै दिन आफ्नै घरमा झुण्डिएको भेटिइन किशोरी

न्यूज ब्यूरो, सप्तरी । प्रदेश नम्बर २ को सप्तरी जिल्लामा एक किशोरी आफ्नै घरमा झुण्डिएको अवस्थामा भेटिएको छ ।

सप्तरीको राजबिराज नगरपालिका वडा नम्बर ११ स्थित एक बालिका आफ्नै घरमा झुण्डिरहेको अवस्थामा भेटिएको परिवारजनलाई उदृत गर्दै जिल्ला प्रहरी कार्यालय सप्तरीले जनाएको छ

।

गुडडी यादव नाम भनिने अन्दाजी १५ वर्षकी बालिका सरस्वती पुजाकै दिन झुण्डिएको अवस्थामा मृत फेला परेको बताइएको छ । परिवारजनका अनुसार, सरस्वति पूजामा बाहिर घुम्न जानको लागि रोकेपछि यस्तो गरेको हो ।

सरस्वति पूजाकै दिन किशोरी झुण्डिएको अवस्थामा मृत भेटिएपछि घरपरिवारका साथ साथै पुरै गाउँ नै शोकाकुल अवस्था रहेका छन । उनको शवलाई पोष्टमार्टमको लागि गजेन्द्रनारायण सिँह अस्पतालमा लगिएको बताईएको छ ।