नवजात शिशु खेतमा फेला

न्यूज ब्यूरो, रौतहट । रौतहट जिल्लामा खेतमा एक नवजात शिशु मृत अवस्थामा भेटिएको छ । रौतहटको सदरमुकाम गौरको पश्चिम पट्टी रहेको ईशनाथ नगरपालिका क्षेत्रमा एक जना नवजात शिशुको शव भेटिएको फेला परेको हो।

ईशनाथ नगरपालिका वर्डा नम्बर ९ लौतना–डुमरिया सडकको छेउमा नवजात शिशु बेबारिसे अवस्थामा भेटिएको हो । बेबारिसे अवस्थामा शिशुको शव देखिएको स्थानीयहरुले बताएका छन् । उनीहरुले तत्कालै प्रहरीलाई जानकारी गराएको थियो ।

शुक्रबार दिउँसो करिब ३ बजेको समयमा खेतमा कपडामा बेरिएर राखिएको अवस्थामा नवजात शिशुको शव भेटिएको जिल्ला प्रहरी कार्यालय रौतहटले जनाएको छ । शिशु कसले र कुन अवस्थामा फालिएको जानकारी भने आएको छैनन् ।

प्रहरीका अनुसार, शिशुलाई जिउँदै वा मृत अवस्थामा फालेर भागेको बारे अझै अनुसन्धान भइरहेको छ भने शिशु कस्को रहेको बारे खोजी कार्य जारी रहेको छ । शिशु करिब ३/४ महिनाको देखिएको छ ।