प्रदेश २ः मालपोत कार्यालय अनिश्चितकाल बन्दको सूचना निकालिएपछि...

न्यूज ब्यूरो, राजविराज । प्रदेश नम्बर २ को एक मालपोत कार्यालय अनिश्चितकालको लागि बन्द भएको हतारको सूचना निकालेपछि आम सेवाग्राही अलमलमा परेका छन् ।

प्रदेश नम्बर २ को सप्तरी जिल्लाको सदरमुकाम राजविराज स्थित रहेको भूमि सुधार तथा मालपोत कार्यालय अनिश्चितकालको लागि बन्द गरिएको हो । सेवाग्राहीहरुको चापका कारण भएको हो–हल्लापछि मालपोत कार्यालय नै बन्द गरिएको भनेर सूचना निकालेपछि सेवाग्राहीमा अलमलता छायो ।

प्रदेश नम्बर २ को ८ वटै जिल्लामध्ये सेवाग्राहीको सबभन्दा बढी भीड भने राजविराज स्थितको मालपोत कार्यालयमा लाग्ने गरेको छ । सोही क्रममा विहानैदेखि लाईनमा बसेका सेवाग्राहीहरुको अन्त्यसम्म समेत काम नभएको भन्दै हो–होल्ला गरेपछि मालपोत कार्यालय नै बन्द गरिदिएको हत्तारमा सूचना निकालियो ।

बुधबार दिउँसो सेवाग्राहीहरुले भित्रका कर्मचारीहरुले समयमा काम नगरिदिएको भन्दै हो हल्ला मच्चाएपछि कार्यालय बन्द गरिएको थियो । समयमै आएको प्रहरीले भीडलाई नियन्त्रणमा लिएपनि भित्रका कर्मचाीहरुले भने मालपोत कार्यालय नै बन्द गरिदिएको भनेर सूचनापछि चौतर्फी आलोचना हुन थाल्यो ।

कर्मचारी अभावका कारण आधा जसो सेवाग्राही कामै नगराईकन फर्किनु पर्ने आवस्था आएपछि बुधबार सेवाग्राहीले कार्यालयमा हो–हल्ला गरेका थिए ।

काम नभएको गुनासो लिएर कार्यालय भित्र छिरेका सेवाग्राही तथा कर्मचारीकाबीच सामान्य घम्साघम्सी समेत परेको थियो । सुरक्षा कायम गर्नका लागि प्रहरीले हल्लामा सहभागि पाँच जनालाई नियन्त्रणमा लिए ।

कर्मचारीको अभावले गर्दा दिनहुँ सेवाग्राहीको चाप बढेको तथा काम गर्ने वातावरण समेत नभएको भन्दै निमित्त कार्यालय प्रमुख प्रमोद कुमार यादवले अर्को सूचना नहुन्जेलका लागि कार्यालयको कामकाज बन्द रहने सूचना जारि गरेपनि केही बेरमै सो सूचनालाई बताए ।

न्यूज ब्यूरोसँगको कुराकानीमा कार्यालय प्रमुख यादवले हत्तारमा बन्दको सूचना निकालिएपनि सोही सूचनालाई पुनः सच्याएर मालपोत कार्यालय बन्द नरहने भनेर सूचना प्रकाशित गरेको बताए । उनले मालपोत कार्यालय बन्द रहने सूचना गलत रहेको बताए ।