मैथिली सेवा समाज कतारद्धारा ३० जनालाई न्यानो बलैन्केट

न्यूज ब्यूरो, जनकपुरधाम । वैदेशिक रोजगारीमा खाडी मुलुक कतारमा रहेका युवाहरुको एक समूहले धनुषामा ३० विपन्न परिवारलाई न्यानो बलैन्केट बाँडेका छन् ।

कतार स्थित रहेको मैथिल सेवा समाज शाखा कतारद्वारा धनुषाको मिथिला बिहारी नगरपालिका वडा नम्बर ४ कजरा र रमौल दुई गाउँमा २० जनालाई न्यानो बलैन्केट बाँडेको हो ।

तराई मधेशमा चिसोका कारण विपन्नहरुको जनजीवन बढी प्रभावित हुने गरेको भन्दै समाजद्धारा धनुषाधाम नगरपालिका वडा नं. ३ जुगेश्वरपुर टोलसमा समेत १० गरी कुल ३० जनालाई बलैन्केट वितरण गरेका हुन् ।

चिसोमा पनि केही घर परिवारलाई न्यानो कपडाको अभावका कारण जनजीवन प्रभावित भएको खवर पाएपछि मैथिल सेवा समाजले तत्कालै उनीहरुलाई राहत स्वरुप ३० वटा ब्लैन्केट (कम्बल) वितरण गरेको हो ।

मैथिल सेवा समाज नेपालका अध्यक्ष लक्ष्मी यादबको उपस्थितमा ब्लाइंकेट वितरण गरिएको थियो । शनिवारका दिन मैथिल सेवा समाज संस्थाद्वारा राखिएको ब्लाइंकेट वितरण कार्यक्रममा मैथिल सेवा समाज नेपालका सदस्य लक्ष्मी कुमार यादव, कपिलदेव यादव, संजिव कुमार यादव, ललित मुखिया लगायतको रोहबर रहेको थियो ।

संस्थाले समय समयमा तराई मधेशको विभिन्न जिल्लामा विभिन्न सयमा सहयोग गर्दै आइरहेको छ ।