प्रचण्डको क्षेत्र सिरहा पनि आउँदै केपी ओली

न्यूज ब्यूरो, जनकपुरधाम । प्रधानमन्त्री केपी शर्मा ओली आज धनुषाको ढल्केवर हुँदै प्रचण्डको क्षेत्र मानिएको सिरहा पनि आउने कार्यक्रम रहेको छ ।

देशकै सबभन्दा ठुलो विद्युतिय सव–स्टेशनको उदघाटन गर्न धनुषा समेत आउने प्रधानमन्त्री ओलीले सिरहामा आयोजना गरिएको एक श्रद्धाञ्जली सभामा समेत सरिक हुने बताइएको छ । प्रचण्डको क्षेत्रमा ओलीले कार्यक्रममा सरिक हुनेछ ।

सिरहामा शहिद हेमनाराण यादवको १७ औं स्मृति सभालाई सम्बोधन गर्नको लागि प्रधानमन्त्री ओली सिरहा आउने कार्यक्रम तय भएको नेकपा जिल्ला कमिटि सिरहाले जनाएको छ । बिहान ११ बजेदेखि हुने सो कार्यक्रममा ओलीले सम्बोधन गर्ने कार्यक्रम तय भएको छ ।

प्रधानमन्त्री ओलीको कार्यक्रम भने सिरहाको सदरमुकाम सिरहामै राखिएको आयोजक जिल्ला समितिले जनाएको छ । प्रधानमन्त्री ओली पहिले सिरहामा स्मृति सभालाई सम्बोधन गरी मात्र ढल्केवर विद्यतु सव स्टेशनको उदघाटन गर्ने बुझिएको छ ।

यद्यपी, पहिले ढल्केवर जाने वा सिरहा भने अझै यकिन हुन सकेको छ्रैनन् । संसद विघटनपछि प्रधानमन्त्री ओली पहिलो पटक धनुषा र सिरहा आउन लागेका हुन् । सिरहा पूर्व प्रधानमन्त्री पुष्पकमल दाहाल प्रचण्डको गढ मानिन्छ ।