गाउँपालिकाका निर्वाचित अध्यक्ष (मेयर) पनि डा. सिके राउतको पार्टीमा

न्यूज ब्यूरो, भैरहवा । डा. सिके राउत नेतृत्वको जनमत पार्टीमा एक गाउँपालिकाका निर्वाचित अध्यक्ष (मेयर पनि भनिदै गरेको) पनि प्रवेश गरेका छन् ।

डा. राउत नेतृत्वको जनमत पार्टीमा शनिबार स्वतन्त्रबाट गाउँपालिका अध्यक्षमा निर्वाचित भएका रुपन्देहीको सम्मरीमाई गाउँपालिकाका अध्यक्ष जितेन्द्रनाथ शुक्ला (बब्लु शुक्ला) जनमत पार्टीमा प्रवेश गरेका हुन् । उनले जनमतको राजनीति र डा. राउतको प्रेरणाबाट प्रेरित भएको बताए ।

जनमत पार्टी रुपन्देहीको कार्यकर्ता प्रशिक्षण एवम् भेटघाटको क्रममा पुगेका पार्टीका राष्ट्रिय डा. राउतद्धारा उनीहरुलाई पार्टीमा प्रवेश गराइएको हो । डा. राउतले नव प्रवेशीहरुलाई अबिर माला लगाएर स्वागत गरेका थिए ।

गाउँपालिका अध्यक्ष शुक्ला सहित तत्कालिन सदभावना पार्टीका जिल्ला अध्यक्ष एवम् वर्तमान नुमान माविका अध्यक्ष तथा समाजिक अभियन्ता आनन्द प्रसाद गुप्ता, मर्चवार सिँचाई (लिप्ट) विभागका सचिव एवम् समाजिक अभियन्ता जगरनाथ कुर्मी समेत जनमतमा प्रवेश गरेका छन् ।

सम्मरीमाई गाउँपालिकाका गाउँपालिका अध्यक्ष प्रत्यासी उम्मेदवार सहाबुद्दिन देवान, समाजिक अभियन्ता एवम् महिला स्वयँमसेविका सीता चौधरी, अम्बिका चौधरी, इन्द्रराज यादव सहित तत्कालिन सदभावना पार्टीका सिद्धार्थनगर अध्यक्ष अशोक कर्ण सहितका चिरपरिचित व्यक्तिहरु डा. सिके राउतको जनमत पार्टीमा प्रवेश गरेका हुन् ।

जनमतका जिल्ला सँयोजक राकेश गुप्ताको अध्यक्षतामा भएको सो कार्यक्रमबीच उनीहरुले जनमत पार्टीको विशुद्ध निस्वार्थको राजनीतिमा लाग्न चाहेको प्रतिक्रिया दिएका थिए । जनमत पार्टीका विदेश विभाग प्रमुख ईन्जिनीय बसन्त कुशवाहाको विशेष आतिथ्यमा सम्पन्न कार्यक्रममा पार्टी प्रवेश गराइएको हो ।