धनुषाको नौसयविघामा १५ परिवारलाई राहत

न्यूज ब्यूरो, धनुषा । वैदेशिक रोजगारीमा रहेका धनुषाको नौसयविघाका युवाहरुले १५ घर परिवारलाई राहत सहयोग गरेको छ ।

चिसोको मौसमलाई मध्यनजर गर्दै मलेशिया र कतारमा संचालित “नौसय बिगहा युवा समूह” नामक एक युवा संगठनले धनुषाको नौसयविघामा १५ घर परिवारलाई सहयोग गरेको हो ।

धनुषाधाम नगरपालिका वडा नम्बर ५ नौसय बिगहाको मुसरी बस्तीमा १५ परिवारलाई लत्ता–कपड़ा बितरण गरिएको छ। रु ४० हजारको लागतमा १५ थान सिरक, २ थान चादर, र ४० थान जाडोमा लगाउने टोपी वितरण गरिएको हो ।

युवा समाजसेवी शम्भु चौधरी, गणेश साह सहित स्थानीयहरुको उपस्थितीमा राहत वितरण गरिएको स्थानिय समाजसेवी सुरेन्द्र सूर्याले जानकारी दिए ।