ट्रिपरले ठोकेपछि दुई जनाको घटनास्थलमै मृत्यू !

न्यूज ब्यूरो, बर्दिवास । प्रदेश नम्बर २ को महोत्तरीमा ट्रकले ठक्कर दिएपछि दुई जनाको घटनास्थलमै मृत्यू भएको छ ।

महोत्तरीको औरही नगरपालिका वडा नम्बर ४ कठुधार स्थित ट्रिपरको ठक्करबाट दुई जनाको मृत्यु भएको जिल्ला प्रहरी कार्यालय महोत्तरीले जनाएको छ ।

मृत्यु हुनेमा महोत्तरी औरही नगरपालिका वडा नम्बर ४ कठुधार बस्ने महबुल नदाफका १३ वर्षिय छोरा गुड्डु नदाफ रहेको छ । सोही घटनामा मृत्यू हुने २० वर्षिय प्रमोद राम रहेका छन् । प्रमोदको ठेगाना अझै खुल्न नसकेको प्रहरीले जनाएको छ ।

गौशाला–सम्सी सडक खण्ड अन्तरगर्त कठुधार चौकमा सम्सीबाट गौशाला तर्पm जाँदै गरेको ना ८ ख ९८० नम्बरको टिपरले ज ६ प १४०९ नम्बरको मोटरसाईकललाई ठक्करदिदां मोटरसाईकलमा सवार दुईजनाको घटना स्थलमै मृत्यु भएको जिल्ला प्रहरी कार्यालय महोत्तरीले जनाएको छ ।

यता, ठक्कर दिने टिपर र चालकलाई प्रहरीले नियन्त्रणमा लिई अनुसन्धान शुरु गरिएको जिल्ला प्रहरी कार्यालय महोत्तरीले जनाएको छ ।