सिरहामा कुकर बम !

न्यूज ब्यूरो, सिरहा । पूर्वपश्चिम राजमार्ग अन्तर्गत सिरहाको मिर्चैया नगरपालिका-५ स्थित जिबाखोलाको पुलमा प्रेसर कुकर बम फेला परेको छ ।

शनिबार बिहान पुलमा प्रेसर कुकर बम भेटिएको हो । बम भेटिएलगत्तै घटनास्थल पुगेको नेपाल प्रहरी, सशस्त्र प्रहरी र सेनाको डिस्पोजल टोली बम डिस्पोज गरेको छ ।

कुकरमा राखिएको अवस्थामा भेटिएको सो बम इप्रोभाइज एक्सपोलिसिभ डिभाइस ‘आइडी’ भएको बताइएको छ । बम भेटिएपछि बिहानैदेखि पूर्वपश्चिम राजमार्गमा सवारी आवागमन बन्द गरिएको थियो ।

बम राखिएको ठाउँ कुनै पर्चा भने भेटिएको छैन । बम कसले र के प्रायोजनको लागि राखेको भन्ने विषयमा अनुसन्धान भइरहेको इप्रका मिर्चैयाका डिएसपी राजेन्द्र श्रेष्ठले जानकारी दिए ।

आज विप्लव समूहले गरेको नेपाल बन्दको प्रभाव सामान्य रहेता पनि केहि स्थानमा भने शंकास्पद बस्तु भेटिएका कारण जनजीवन त्रसित बनेको छ ।