अब TU को B.B.A. पढाई पनि जनकपुरको राराबमै हुने

न्यूज ब्यूरो, जनकपुरधाम । त्रिभुवन विश्वविद्यालय अन्तर्गतको कार्यक्रम अब जनकपुरको राराब क्याम्पसमा पनि सँचालन हुने भएको छ ।

यसअघि विभिन्न विषयहरु पढाई हुँदै आएको राराब क्याम्पसमा अब बिबिए पनि पढाई हुने भएपछि विद्यार्थीहरुमा उत्साह भएको छ । उधमशिलता विकास र प्रवद्र्धनको क्षेत्रमा नविनतम कोर्स बिबिए को पढाइ पहिलो पटक त्रिभुवन विश्वविधालय को सम्बन्धनमा जनकपुरधाम स्थित राराब क्याम्पसमै पढाइ हुने भएको छ ।

राराबमा उक्त विषयलाई प्रगाढ रुपमा सँचालन गर्नको लागि उक्त विषयको सम्भाव्यता र चुनौती विषयमा सरोकारबालाहरुसँग अन्तरक्रिया गर्दै सो विषय पढनको लागि लाग्ने खर्च मापदण्ड सहित अन्य मापदण्डको बारेमा चर्चा गरिएको हो ।

जनकपुरमै विभिन्न नीजी (प्राईभेट) क्याम्पसमा पढाई हुने बिबिएको लागि लाखौं रुपैयाँ तिर्नुपर्ने बाध्यता अब केही हदसम्म कम हुने भएको छ । राराबमा बिबिए पढनको लागि लाखौं रुपैयाँ नभई थोरै रकम शुल्क तिरेर पढन सकिने भएको छ ।

बिबिए सँकायको लागि सँकाय सँयोजक डा. विनोद साहका अनुसार त्रिबिबाट पढाई हुने यस विषयको लागि शुल्क मापदण्डहरुको बारेमा अझै छलफल जारी रहेको बताए । यसैवर्षदेखि नै राराबमा बिबिए पढाई हुनेमा विश्वास व्यक्त गरे ।

राष्ट्रिय विद्यार्थी सँघका केन्द्रीय सह सचिव रोशन झाका अनुसार प्राईभेट कलेजहरुमा लिने गरेको शुल्क भन्दा अत्यन्त थोरै शुल्क लाग्ने गरी विचारविमर्श जारी राखिएको बताए । उनले राष्ट्रिय विद्यार्थी सँघकै पहलमा राराबमा बिबिए प्रोग्राम आएको दाबी गरे ।

सो अन्तरक्रिया कार्यक्रममा उप–प्राध्यापक रूपेश सिंहले उधमशीलता विकास र प्रवद्र्धनको लागि उपयुक्त मानिएका बिबिएकोको पढाइबाट यस भेगका विधार्थीहरु लाभान्वित हुने जिकिर गरे ।

क्याम्पस प्रमुख प्रदीप साहको अध्यक्षता तथा व्यवस्थापन संकायका डिन प्रा. डा. डिल्ली राज शर्माको प्रमुख आतिथ्यमा सम्पन्न भएको अन्तरक्रिया कार्यक्रममा व्यवस्थापन संकायका प्राध्यापक, विधार्थी तथा अन्य कर्मचारी भरभलादमीको उपस्थिती रहेको थियो ।

कार्यक्रममा व्यवस्थापन संकायका सहायक डिन दिनेश मनि घिमिरे, सम्भाव्यता समितिका सदस्यद्वय उदय किशोर तिबारी र मनोज चौधरी , जनकपुरधाम उप–महानगरपालिकाका मेयर लाल किशोर साह लगायतको विशेष उपस्थिति रहेको थियो ।