जनसहभागीताको फोटोलाई लिएर जसपाका राजकिशोर र उपेन्द्र पक्षबीच तानातान

न्यूज ब्यूरो, जनकपुरधाम । जनता समाजवादी पार्टीले माघ ३ गते विभिन्न जिल्लामा घोषणा गरेको विरोधसभाको क्रममा सिरहाको विरोध सभा चर्चामा रहयो ।

शनिबार प्रदेश नं. २ को सिरहा जिल्लामा आयोजना गरिएको जसपाको विरोधसभामा देखिएको उपस्थितिलाई लिएर समाजिक सँजालमा राजकिशोर यादव पक्षधर र उपेन्द्र यादव पक्षधरबीच तानातान देखिएको छ ।

समाजिक सँजालमा जसपाकी कार्यकारिणी सदस्य एवम् नेतृ रेणु यादव भाषण गरिरहँदा जनमानसको उपस्थिति न्यून देखिएपछि सोही फोटोलाई समाजिक सँजालमा राख्दै राजकिशोर यादवका पक्षधर कार्यकर्ताहरुले राजकिशोरलाई बायकटट् गरेको नतिजाको सँज्ञा दिएका छन् ।

सिरहाको शहिद पार्कमा शनिबार आयोजना गरिएको वृहत विरोधसभा कार्यक्रममा जसपाकै राजकिशोर यादव पधहरुले कार्यक्रमलाई बष्हिकार गरी सहभागीता जनाएका थिएनन् भने उनको पक्षधर नगएपनि उपेन्द्र यादव पक्षधरहरुको मोटो सहभागीतामा कार्यक्रम सम्पन्न गरिएको देखिएको छ ।

सिरहाको शहिदपार्कमा जसापको विरोधसभामा सहभागीहरु

---

यता, रेणु यादव भाषण गरिरहँदा बखत पछाडीबाट लिइएको एक तस्विरमा शहिदपार्कमा थोरै सर्वसाधारण जम्मा भएको भन्दै राजकिशोर यादवसँग मनमुटावको नतिजा भएको समाजिक सँजालमा चर्चा गरिएको छ । भने, उपेन्द्र पक्षधरले भने कार्यक्रममा मोटो सहभागीताको तस्विर राख्दै अधिक चिसोका कारण सर्वसाधारणहरु धेरै बेरसम्म बस्ने नसकेर गएको भनेर दाबी गरिएको छ ।

सिरहाको शहिदपार्कमा जसापको विरोधसभामा सहभागी जसपाका प्रदेश अध्यक्ष विजय यादव, नेतृ रेणु यादव र अन्य

---

जसपाका अध्यक्ष उपेन्द्र यादवसँग राजकिशोर पक्षधर एवम् तत्कालिन राजपाका मजदुर सँगठन अध्यक्ष राजाराम यादवले कल रेडर्क गरी सार्वजनिक गरेपछि पार्टीभित्रै आन्तरिक द्धन्द्ध सुरु भएको हो । जसपाकै कार्यक्रममा राजकिशोर पक्षधरहरुले कालो झण्डा देखाउने चेतावनी समेत दिएका थिए ।

सोही अडियो प्रकरणलाई लिएर राजकिशोर पक्षधर र उपेन्द्रका पक्षधरबीच वैचारिक युद्ध सुरु भइसकेको छ ।