सिरहामा राजकिशोर यादव पक्षधरलाई पन्छाउँदै जसपाको विरोधसभा सम्पन्न

न्यूज ब्यूरो, सिरहा । जनता समाजवादी पार्टी नेपाल (जसपा) ले प्रदेश नं. २ को सिरहामा विशाल विरोध सभा सम्पन्न गरेको छ ।

जसपाको पूर्वघोषित कार्यक्रम अनुसार माघ ३ गते सिरहाको शहिदपार्क स्थित विशाल विरोधसभा गरिएको हो । प्रदेश नं. २ का आर्थिक मामिला तथा योजनामन्त्री समेत रहेका जसपाका प्रदेश अध्यक्ष विजय यादव लगायतको सहभागीतामा विरोधसभा सम्पन्न भएको हो ।

प्रधानमन्त्री केपी शर्मा ओलीले सँसद विघटन गरेपछी जसपाले माघ ७ गतेसम्म चरणवद्ध रुपमा विरोधका कार्यक्रमहरु गर्ने पूर्वघोषित कार्यक्रम अनुसार, विरोधसभा सम्पन्न गरेको हो ।

सिरहामा सम्पन्न भएको विरोधसभा कार्यक्रममा तत्कालिन राष्ट्रिय जनता पार्टीका अध्यक्ष एवम् हाल जसपाका नेता राजकिशोर यादव नआएपनि विरोधसभा सम्पन्न गरिएको हो । यसअघि राजकिशोर यादव पक्षधरहरुले कार्यक्रम बहिष्कार गरेको भनेर भनेपनि जसपाले विरोधसभा विधिवत सम्पन्न गरेको छ ।

राजकिशोर पक्षधर राजाराम यादवले जसपाका अध्यक्ष उपेन्द्र यादवसँग फोनमा कुराकानी गर्दै कालो झण्डा देखाउने चेतावनी दिएपनि कालो झण्डा देखाउने भने हिम्मत गरिएको देखिएनन् ।

जसापकी कार्यकारणी सदस्य रेणु यादब, प्रकाश अधिकारी, सहित तत्कालिन राजपाकै सुरेश मण्डल, तत्कालिन राजपाका जिल्ला अध्यक्ष सहितको विशेष उपस्थितिमा कार्यक्रम सम्पन्न गरिएको हो ।