शहिदनगरलाई समृद्ध बनाउन निःशुल्क लोकसेवा तयारी : मेयर बरबरिया

न्यूज ब्यूरो, जनकपुरधाम । धनुषाको शहिदनगर नगरपालिकाका मेयर उदय कुमार बरबरिया (यादव) ले नगरलाई समृद्ध बनाउनको लागि नगरभित्रका छात्रछात्राहरुलाई निःशुल्क रुपमा लोकसेवा Loksewa तयारी कक्षा सँचालन गरिएको बताएका छन् ।

विहिबार एक कार्यक्रमबीच निःशुल्क लोकसेवा तयारी कक्षाको समुदघाटन गर्दै मेयर बरबरियाले नगरबाट दक्ष जनशक्ति उत्पादनको लागि लोकसेवा परामर्श कक्षा सँचालन गरेको बताए ।

नगरस्तरिय लोकसेवा तयारी परामर्श कार्यक्रमको उद्घाटन गर्दै उनले नगरबाट दक्ष जनशक्ति उत्पादन होस तथा सरकारी निकायमा यस नगरपालिकाबाट बढी भन्दा बढी युवा, युवतिहरुको सहभागीता होस भन्ने उदेश्यले निःशुल्क रुपमा लोकसेवा परामर्श कक्षा सँचालन गरिएको बताए ।

शहिदनगर नगरपालिकाको आर्थिक सहयोग एवम् मानव बिकास केन्द्रको आयोजनामा लोकसेवा तयारी परामर्श तालिम यदुकूहामा सँचालन गरिएका हो ।

अहिले प्रत्येक स्थानीय तहमा कर्मचारी जनशक्तिमा कमि देखिएकोले त्यसैलाई मध्य नजर गर्दै शहिदनगर नगरपालिका युवा युवतिहरुलाई नगरपालिका भित्रमा सरकारी सेवाप्रति जागरुक गराउन लागि लोकसेवा परामर्श कक्षा सँचालन गरेको बताए ।

उनले लोकसेवा कक्षा सहभागीबाट लोकसेवाको खुल्ला प्रतिष्पर्धाबाट नाम निकाल्न सफलताको शुकामना समेत दिए ।

कार्यक्रममा नगरपालिकाका प्रमुख प्रशासकीय अधिकृत सत्रुध्न यादवले आगामी दिन युवा पीढीका हितका लागि अझ समक्षामुलक, क्षमतामुलक र रोजगारमूलक कार्यक्रमहरु ल्याउने प्रतिवद्धता जनाए ।

बिशिस्ट अतिथिको आसनबाट बोल्दै अधिकृत यादवले निःशुल्क परामर्श कक्षाले सरकारले निकाल्ने लोकसेवा आयोगको लागि सहभागीहरुलाई दक्षता प्रदान गर्ने दाबी गरे ।

कार्यक्रममा मानव विकास केन्द्र धनुषाका अध्यक्ष कुन्दन झा , लेखापाल लोकबहादुर नेपाली, समाजिक सुरक्षा शाखाका विष्णुदेव यादव, जिन्सी शाखाका सुदीप भट्टराई, प्रत्येक वडाका अध्यक्ष लगायत सहाभागी बिद्यार्थीहरुको उपस्थिति रहेको थियो । प्रत्येक वडाबाट युवायुवतिहरुलाई सहभागी गराइएको हो । उनीहरुलाई उप सचिब लगायत अधिकृत जस्ता प्रशिक्षकहरुले प्रशिक्षण दिने छन् ।

रोजगारीको लागि मेशन तालिम

सोही क्रममा मानव विकास केन्द्रकै आयोजनामा नगरपालिकाको सहयोगले नगरभित्रका युवाहरुलाई मेसन तालिम समेत दिने भएको छ । एक कार्यक्रमबीच मेशन तालिमको उदघाटन समेत गरिएको हो ।

नगरपालिकाको विभिन्न वडाबाट सहभागी गराइएको युवाहरुलाई वैदेशिक रोजगारी सहित स्थानीय स्तरमै रोजगार पाउनको लागि आवश्यक पर्ने सीपलाई मध्यनज गर्दै मेशन तालिम राखिएको बताइएको छ ।

नगरपालिकाका प्रमुख प्रशासकीय अधिकृत सत्रुध्न यादवले स्थानीय स्तरमा युवाहरुलाई रोजगारी सृजना सहित रोजगारीको अवसर समेत सृजना गर्न सक्ने गरी मेशन तालिम निःशुल्क रुपमा प्रदान गरिने बताएका छन् ।

बिना तालिम र सीपको अभावमा युवाहरु बेरोजगारीको चपेटमा परेको अवस्थामा नगरपालिकाले सीपमूलक तालिमको आयोजना गरी नगरपालिकालाई समृद्धीको बाटोमा ल्याउन थप टेवा पुग्ने विश्वास लिइएको छ ।