जनता आवासः मिर्चैयामा डोम परिवार आफैले गरे शिलान्यास
उनीहरु ३/४ पुस्तादेखि केहि नम्बरी र त्यहाँ रहेको ऐलानी जग्गामा बस्दै आएका छन् । एकजना स्थानीयको निधन हुँदा डोम परिवारलाई आगो दिए बापत उनका परिवार जग्गा दान दिएका थिए ।
२०७७ मंसिर २९ सोमबार, बिहान ९:२५ बजे१ मिनेट पढाइ
न्यूज ब्यूरो, सिरहा । जनता आवास कार्यक्रम अन्तर्गत घर निर्माणका लागि मिर्चैया(६ स्थित मटियर्वामा डोम समुदायले आफैले शिलान्यास गरेका छन् ।
यहाँ निर्माण हुने ८ घरमध्ये ३ घरका लागि यहाँका डोम परिवारहरु आफैले शिलान्यास गरेका हुन् । जनता आवास कार्यक्रमको कार्यविधि अनुसार उनीहरूले उपभोक्ता समिति मार्फत् घर निर्माणका काम थालेका छन् ।
जतिसक्दो चाँडै कार्य सम्पन्न हुने गरी काम अगाडी बढाएको उपभोक्ता समितिका अध्यक्ष बिनोद मल्लिकले जनाए । यहाँ ८ वटा घर परेपनि जग्गा विवादका कारण हाल ३ वटा घरको काम मात्रै थालिएको उनले बताए ।
उनीहरु ३/४ पुस्तादेखि केहि नम्बरी र त्यहाँ रहेको ऐलानी जग्गामा बस्दै आएका छन् । एकजना स्थानीयको निधन हुँदा डोम परिवारलाई आगो दिए बापत उनका परिवार जग्गा दान दिएका थिए ।
तर, अहिले सो जग्गामा अब बस्ने नदिने भन्दै उनका नातीहरुले रोकटोक गरेपछि उनीहरू चिन्तामा परेका छन् । उनीहरूले जग्गा व्यवस्थापन गरिदिन नगरपालिकाको न्यायीक समितिमा निवेदनसमेत दिएका छन् ।
तर, महिना दिन जति भइसक्दा पनि कुनै चाँसो नदेखिएको उनीहरूले बताए ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…