प्रदेश २ः घरै अगाडी राखिएको पिकअपमा आगजनी, परिवारमा रुवावासी

न्यूज ब्यूरो, सप्तरी । प्रदेश नम्बर २ को सप्तरीमा शनिबार राती एक पिकअप भ्यानमा आगजनी गरिएको छ ।

सप्तरीको बिष्णुपुर गाउँपालिका वडा नम्बर ६ गोरगमा बस्ने स्थानीय बेचन मुखियाको पिकअप भ्यानमा अपरिचित ब्यक्तिहरुको एक समुहले आगजनी गरिदिँदा पिकअप भ्यान जलेर नष्ट भएको छ ।

आफ्नै घर अगाडी पार्क गरी राखेको भ्यानमा गएराती करिब १ः३० बजेतर्फ भ्यानमा आगजनी गरिदिएको पीडित मुखियालाई उदृत गर्दै जिल्ला प्रहरी कार्यालय सप्तरीले जनाएको छ । उनले आफ्नै घर अगाडि पार्क गरेको स. १ च १७२५ नम्बरको पिकअप भ्यानमा आगजनी गरिदिँदा २४ लाख रुपैयाँ बढीको क्षति भएको बताएको छ ।

रोकि राखिएको सो पिकअप भ्यानमा परालमा पेट्रोल छर्केर आगजनी गरेको पिडित मुखियाले बताएका छन । सो पिकअपमा आगजनी भएपछि स्थानियवासी ,प्रहरी तथा राजविराजबाट गएको बारुणयन्त्रको सहयोगमा आगो नियन्त्रणमा लिएको प्रहरीले जनाएको छ ।

पिकअपमा कसले र किन आगजनी गरेको बारे खुल्न सकेको छैनन भने सप्तरी प्रहरीले सो घटनालाई तीव्र अनुसन्धानमा लगेको छ ।