सिरहाको गोलबजारस्थित कपडा पसलमा आगलगी हुँदा लाखौंको कपडा ध्वस्त

न्यूज ब्यूरो, सिरहा । सिरहाको मुख्य बजार मानिने गोलबजार स्थित कपडा पसलमा आगो लाग्दा २ पसल जलेर ध्वस्त भएको छ भने लाखौंको सम्पति नष्ट भएको छ ।

गोलबजार स्थित रहेको कँचन वस्त्रालयमा आगो लाग्दा अन्य थप एक कपडा पसलमा सल्केको प्रहरीले जनाएको छ । सोमबार साँझ अचानक आगलगी हुँदा कपडा पसलमा भएको लाखौंंको कपडाहरु समते जलेर ध्वस्त भएको हो ।

स्थानीय व्यसायी लालवाबु साहको कँचन वस्त्रालयसहित किसन ट्रेडर्स एण्ड सप्लाएसमा समेत आगलगी हुँदा लाखौंको सम्पति जलेर नष्ट भएको ईलाका प्रहरी कार्यालय गोलबजारले जनाएको छ । सोमबार राती भएको आगलागीको कारण लाखौ मूल्यको कपडा जलेर नष्ट भएको प्रहरीले जनाएको छ ।

कपडा पसलमा लागेको आगो नेपाल प्रहरी, शसस्त्र प्रहरी, नेपाली सेना र गोलबजार, मिर्चैया र लहानबाट आएको दमकलले नियन्त्रणमा लिएको थियो । आगलगीबाट कुनै मानवीय क्षति भएको छैनन भने आगो कसरी लागेको बारे अझै खुल्न सकेको छैनन् ।