रौतहटको गोनाहीमा आगलागि पीडितलाई रेडक्रसको राहत

न्यूज ब्यूरो, रौतहट । रौतहटको आगलागि रौतहटको देवाही गोनाही नगरपालिका – ७ गोनाहीको दलित वस्तिमा आइतबार भिषण आगलागी ७ घर जलेर नष्ट भएपछि पीडितलाई सहयोग जुट्न थालेको छ।

आगलागीबाट पीडित परिवारलाई हाल विभिन्न संघसंस्था तथा नेता कार्यकर्ताहरुले सहयोगका कार्यक्रमहरु समेत सञ्चालन गर्दै आएका हुन। यसैबिच सोमबार प्रमुख जिल्ला अधिकारी इन्द्रदेव यादवको नेतृत्वमा गएका जिल्ला सुरक्षा प्रमुखहरुको टोलिको रोहवरमा नेपाल रेडक्रस सोसाइटि रौतहट गौरको टोलिद्वारा राहत बितरन गरिएको रेडक्रसका प्रतिनिधि राम आधार यादवले बताएका छन् ।

बिधुतिय मिटर सर्टसर्किट भएर भएको आगलागीबाट सर्फलाल राम ,जागृत राम ,रामप्रवेश राम ,शंकर महतो ,कृत रामको घर पुर्न रुपमा जलेर नस्ट भएको थियो।

सो पीडित परिवारलाई तत्काल राहत र सहयोग स्वरुप साडी–१ ,धोती १ ,जिन कपडा –५ मिटर ,सादा कपडा–२मिटर ,प्रीन्ट कपडा ७ मिटर ,त्रिपाल -१,भाडा कुडा एक सेट ,कम्बल-२ ,बाल्टिन- १ ,डोरि र झुल चार मिटर सहयोग गरिएको यादवले बताए ।

त्यसैगरि आगलागीबाट आंशिक क्षति भएको जगत राम र रामबलि पासवानलाई भाडाकुडा बाहेक ,साडी धोती एक एक थान ,सादा कपडा २ मिटर ,प्रीन्ट ७ मिटर ,त्रीपाल १ पिस ,कम्बल ,झुल चार मिटर प्रदान गरिएको यादबले बताए ।

प्रमुख जिल्ला अधिकारी ईन्द्रदेव यादबले आगलागीको घटना आफुप्रती दुः ब्यक्त गर्दै पीडित परिवारलाई सरकारी स्तरबाट हुने सहयोग गराउन विशेष पहल चाल्ने प्रतिबद्धता ब्यक्त गरे।उहाँले तत्काल पिडित परिवारलाई राहत र सहयोगको लागि विभिन्न संघ संस्था ,जनप्रतिनिधि लगायत सहयोगि मनलाई आग्रह समेत गरे।

राहत बितरन समय देवाही गोनाहीका नगर प्रमुख धर्मेन्द्र पटेल ,उप प्रमुख परनिया देवि,निमित्त प्रसासकिय अधिकृत राजदेव राम,जनपथ प्रहरी प्रमुख सिद्धि विक्रम साह,शस्त्रका प्रहरी नायब उपरिक्षक प्रमोद भारती, प्रहरी निरीक्षक मेदनी साह , शस्त्र प्रहरी निरिकक्षक विष्णु अधिकारी लगायत स्थानीयहरुको उपस्थिति थियोे ।

आइतबार नै आगलागिबाट पीडित परिवारलाई तत्काल राहत स्वरुप खाधान्न ,लताकपडा ,ग्याससिलिन्डर पठाएका क्षेत्रका सान्सद प्रभु साहले घर बार नस्ट भएकाको घर पक्की बनाइदिने घोषणा गरेका थिए।

आगोले बिचल्ली पारेपछि देवाहीगोनाही नगरपालिकाकी उपप्रमुख परनियादेवी पटेलको अगुवाइमा अग्नीपीडितलाई तत्काल राहत सहयोग पनि गरिएको छ। उपप्रमुख पटेलले पीडित परिवारलाई १२ बोरा चामल, छ थान कम्बल, छ थान त्रिपाल तथा साडी, गन्जी, लुंगी, गमछा, झुल, तन्नालगायत अत्यावश्यक सहयोग सामग्री प्रदान गरेकी छन्।