नेपाल-भारत बोर्डर आजदेखि सँचालनमा

न्यूज ब्यूरो, जनकपुरधाम । नेपाल भारत बोर्डर (सीमा) आजदेखि सँचालनमा आएको छ । भारतको बिहार राज्यमा चुनावलाई लिएर सील गरिएको नाकाहरु आजदेखि सँचालनमा आएको हो ।

भारतको विहार राज्यमा भएको विधानसभा निर्वाचनलाई दृष्टिगत गर्दै बन्द गरिएको धनुषा सहित अन्य जिल्लाको सीमानाकाहरु आईतबारदेखि पुनः सञ्चालनमा आएका छन् ।

कोरोनाभाइरसलाई दृष्टिगत गर्दै मुख्य प्रवेशद्वारहरु बन्द गरिए पनि अन्य स्थानबाट आवतजावत पुनः सञ्चालन रहेकामा विहारमा भएको विभिन्न चरणको चुनावमा पटकपटक सामान्य आवतजावत पनि बन्द गरिएको थियो ।

पछिल्लोपटक शनिबार सम्पन्न अन्तिम चरणको चुनावको बेला धनुषा, महोत्तरी, सर्लाही, रौतहट, सप्तरी, पर्सा लगायत अन्य सीमासँग जोडिएका जिल्लाहरुको सीमानाका पूर्ण रुपेन बन्द गरिएकामा नेपाल भारत आवतजावत शुरु भएको हो ।

खुल्ला सीमानाका कारण वन तथा अन्य स्थानमा समेत भारतीय सुरक्षाकर्मीले कडा निगरानी बढाएपछि ठप्प रहेको आवतजावत शनिबार सम्पन्न अन्तिम चरणको चुनावपश्चात् पुनः सञ्चालन भएको हो ।