राजदेवीमा बोकाबलीको लागि ४ वटा 'ठेहा'

न्यूज ब्यूरो, जनकपुरधाम । जनकपुरको प्रसिद्ध शक्तिपीठ राजदेवीमा बोकाबलीको लागि यसपाली पनि ४ वटा ठेहा (बोका काट्ने स्थल) बनाईएको आयोजक समितिले जनाएको छ ।

आयोजक समिति महावीर युवा कमिटिले बोकाबलीको लागि यसपाली पनि ४ वटा ठेहाको व्यवस्था गरिएको जनाएको छ । ४ वटा ठेहामा प्रत्येक मिनटमा ४० देखि ५५ वटासम्म बोकाको बली दिइने समितिको अनुमान छ ।

गत वर्ष पनि ४ वटा ठेहा स्थल राखेर प्रतिमिनट ५५ वटासम्म खँसीको बली दिइएको थियो । यसपाली पनि जनकपुरमा खँसी चढाउनेको सँख्या अन्य वर्ष जस्तै देखिएको भन्दै ठेहा सँख्या यथावत राखेर ३ घण्टामै बली प्रदान कार्यक्रम सम्पन्न गर्ने योजना बनाईएको छ ।

अहिले केही बेरमा साँझ ७ बजेदेखि विधिवत रुपमा बोकाबली कार्यक्रम सुरु हुने जनाईएको छ ।